|
هموم مرتادي الطرقات.
ما من يوم نود ان نذهب إلى أقاربنا وأصدقائنا وأعمالنا إلاونرى ما لايسرنا
بل يضرنا مضايقات وصراعات وزحام في الطرقات في من المتسابق الاول لـ اللحاق بالإشاره الضوئيه والاخر بموعد كان والمتهور وعليمي القياده الخ..... ولانعلم نصل سالمين أم لا. هم لايزاح وإزدحام سكاني رهيب هذه متطلبات الحياه !!!!!!!!!! السؤال هل سينعم البشر بنعمة العقل ويتركوا السرعه الزائده ؟ هل سيكون هناك أكثر تحضر وينتظم هؤلاء البشر في تعجيل أوقات ذهابهم وغدوهم ؟ وترك السرعه القاتله والتأني والحذر من مفاجئات الطريق. أرجو ذكر ما يضايقك أيها المواطن العاقل عن تصرفات المواطن الخاجل لقياده المركبة. ودمتم أخوكم الفارس |
يا خوك قلت اللي في الضمير وما يؤنبه
حوادث عنيفة من السرعة الجنونية جلبت لنا الهم والخوف معا على العلم رضينا بقضاء الله وقدره ما يضايقنا الا تلك المركبات التي تتجاوز اقصى اليسار من الشارع وما يسمى عندنا بكتف الشارع 000 أرهبونا وارهبوا ابنائنا وان تجاوزنا السرعة مشكلة وان خففنا مشكلة واحكي لكم اليوم قصة حدثت امامي صباح هذا اليوم ولكن لم تدعني ازدحام المركبات من تقصي الحدث او الشهود عليه لانه ضايقني كثيرا وهو انني رايت ثلاث مركبات مرتطم كلا منها بالاخر ولكن ارتطام بسيط وواحد من السائقين اخرج اداة حاده وقام بتهديد السائق الاخر وما من السائق المهدد الا ان احكم عليه المركبة ليتفادى غضب خصمه وعند عدم تجاوبه من النزول من المركبة قام السائق الغاضب وبدأ بضرب السيارة بالآله الحاده ومن هنا غضب السائق الآخر وقام بصدم سيارته مرة اخرى بالعمد. اشكرك اخوي الفارس والحديث يطول في طرحك الجميل. |
أشكرك على المرور والتعليق ياجمرة العرب
|
[align=justify]موضوع يبرد على الكبد بالعربي العامي الفصيح وبكل صراحه....اشكرك
1- يضايقني التجاوز من الكتف اصبح عادي حتى الهندي يسويه 2- عدم استخدام الاشاره عند الدوران يمين او يسار 3- السرعه وكأن الوقت أصبح مهم عند الاشخاص وهو اصلا مايعرف الساعه كم ومايدري انه يموت 19 واحد كل ساعه عندنا (حرب شوارع) 4- السيارات اللي كنداساتها تطلع اصوات كأنها أصوات حمير اكرمكم الله وبداخلها واحد يمكن ناقصه اذاني طوال بس الله كرمه وهو يمكن مايدري 5- المرور يتفرج على المخالفين لا واحيانا يسابق ويكبس توخر وانت ماشي على اقصى سرعه مسموحه 6- المطبات لها دور في الفوضه والطرق المحفره بعد فتضايقني الله يلعنها او تدري يلعن من سببها 7- التريلات اللي تسابق بس احسن شي القط الرقم اللي عليها وكلم شركته يمكن فيهم رجا 8- السرعه 120 على الطرق ماعاد توكل عيش وزادت مع ازدياد الاسعار والعالم اصبح مسعور يندفعون في الطرق وكأنهم يجرون لحتفهم في اله بلا عقل وتمشي على هواء 9- يضايقني بعد اللي معه عائله واطفال وطاير مع الريح او اسرع من الريح وان انظر وجوه هؤلاء الاطفال واتساءل هل ستصلون وهم يؤشرون بأيديهم كأنهم يقولون ان السائق ابينا ولكن يقودنا الى الهلاك فإلى اللقاء يامن تتبعنا هونا 10- يضايقني عسكري المرور اللي عن الاشاره يشغل الاشاره على كيفه ويطفيها وكأن هذا الشارع لازمه هذا الشخص اللي ضرره اكثر من فايدته حيث انه يعطل الناس ويسبب زحمه تدعو للضحك واتساءل يعني هذا الشارع ماله عقود ومعروف وين التدفق العالي للسيارات وكم مفروض يكون الزمن لكل جهه من هذه الاشاره 11- يضايقني اللي يقط ورقه او قوطي من دريشة السياره لدرجة ان شوارعنا صارت مزابل اكرمكم الله والهندي اللي ينظف بس يلقط قواطي البيبسي عشان يبيعها اما قواطي العصير والقزاز فبيخليه يمكن يبا جدتي تلقطه وماحد يسأله ليه 12- يضايقني سوء عمل التحويلات في طرقنا مدري من اللي يسويها وهل هو فعلا يقود سياره وهل هو من حسه ؟ 13- يضايقني الموضه الجديده بعضهم يربط عربه في السياره ويحط عليها عفشه ويطير على الخط السريع اتساءل هي هذي العربه مايمكن تنفك (اذا عمود الكردان وهو من المصنع ينفك فمابالك بسيم صانعه هندي) مع طرقنا المليانه مطبات هل هو مصممه مضبوط لأنها لو تنفك وتجي قدام سيارتي وانا امشي 120 كلم في الساعه عزالله مانيب شايف خير. وبعضهم يجر هذي العربات ومالها انوار ويازين نطحته من اللي وراه 14- بعد يضايقني اشاراتنا المروريه نظامها قديم جدا ليش ماتصير من النوع اللي يستخدم طريقة المجال الكهرومغناطيسي يعني اشاراتنا نفس اللي في مصر وسوريا ماهيب مثل اللي في الهيئه الملكيه وارامكو وكأنها تشوفك واول ماتجي جنبها تحبك وتقول تفضل لاتتأخر مافيه حد الا انت....الله يعين 15- لو أكمل ماخلصت الا بكره لكن اترك المجال لغيري شكرا لك لمحاولة نشر الوعي الاجتماعي من خلال هذا الطرح تمنيت لو ينظم دورات خليج وتتوج الدوله الخليجيه التي تحقق اقل مخالفات ويكون مواطنيها اكثر وعي بدل عمل دورات خليج للكره فقط [/align] |
شاكر مروك أخوي الكريم
|
عوافي اخوي ع الطرح الهادف لكن من يسمع
|
في الصميم أخوي الكريم
وأيضا أشكرك أخوي الفارس على هكذا موضووووووع هادف |
شاكر مرورك أخوي الواافي
|
| الساعة الآن 04:13 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd diamond