أنسدت النفس مع مسراحي صبح اليوم وسامحوني ياعز الاخوان

[بالحارث العزيزة]

[align=center]سامحوني ياخواني على ماقول

سرحت للشغل صبح اليوم والنفس كايفه وتفاجيت بطريق ابو حدريه الدمام/ الجبيل مسكر الاربع مسارات وانا رايح شمال وقلت اكيد حادث الله يستر وابطى السرى فكلمت امن الطرق وقالوا حادث وبعد ماقربت شفت ذاك الرجال المتمدد ومغطين جسمه كامل فعرفت انه فارق الحياه وانسدت نفسي ياعوين هله سرح ولاضوى ياعوين هله والله يرحمه ويرحمنا برحمته ويصبر اهله وسامحموني لكدرت خطركم وانا طالبكم فكروا في شيبانكم وعيالكم بالصدمه الي بيتلقونها من خبر موجع زي ذى ويازين الي يموت على جنبه وهو متقبل القبله والموت حق وبعد مافتحت منتدانا تريحت شوي وعادت النفس بلقاكم وحي ذي الوجيه ياعز الاخوان وعسى ماتشوفون شر ولا مكروه في حياتكم[/align]

[نجراني]

الشر ما يجيك يابو محمد , والله يساعدك على مسراحك ومضواك ...
عز الله ان خطوطنا غدت انتحار في انتحار , منت بداري انت للسياره والا اللي حولك من بعض العرب الله يهديهم ...
منت بداري ويش العجله والسرعه , وكان الدنيا بتطير ....!!!!
والله ان عندي في الدوام شباب يداومون من الدمام وعنك ورحيمه كل يوم للجبيل , والواحد منهم ما ياخذ حلق الخط معه ؟!؟! ياولد هنا واحد اتصل يعتذر وقال يابو زايد انا متأخر راحت نومه , المعذره , قلتله ما عليه تعال وعلى مهلك متى ما وصلهنت ,,,الكلام ذا الصباح الساعه 6 , ودوامنا يبدا 6 , وهو في الدمام ,,,,,, ولا قمنت الا هو ذا على راسي ابوزايد !!!! الساعه تقدريبا 6 و25 دقيقه !!!! يعلم الله يارجاجيل ما بالغت25دقيقه من الدمام الى الجبيل ؟!؟!

ليه يابوغازي كم انت تمشي ؟ قال 180 , و190 واحيانا 200؟!؟!؟!؟

والله يالربع ان بعض الشي اعتبره انتحاااااااار ....
فمثل ما قال ابو محمد والله الدنيا ماتسوى تزعل وتنزل دموع شيبانكم وعيالكم بالصدمه ا لموجعه بسبب سرعه واستعجال واهمال في السياقه والطريق .

[بالحارث العزيزة]

اقتباس : المشاركة الأصلية كتبت بواسطة فواز بن زايد [ مشاهدة المشاركة ]

الشر ما يجيك يابو محمد , والله يساعدك على مسراحك ومضواك ... عز الله ان خطوطنا غدت انتحار في انتحار , منت بداري انت للسياره والا اللي حولك من بعض العرب الله يهديهم ... منت بداري ويش العجله والسرعه , وكان الدنيا بتطير ....!!!! والله ان عندي في الدوام شباب يداومون من الدمام وعنك ورحيمه كل يوم للجبيل , والواحد منهم ما ياخذ حلق الخط معه ؟!؟! ياولد هنا واحد اتصل يعتذر وقال يابو زايد انا متأخر راحت نومه , المعذره , قلتله ما عليه تعال وعلى مهلك متى ما وصلهنت ,,,الكلام ذا الصباح الساعه 6 , ودوامنا يبدا 6 , وهو في الدمام ,,,,,, ولا قمنت الا هو ذا على راسي ابوزايد !!!! الساعه تقدريبا 6 و25 دقيقه !!!! يعلم الله يارجاجيل ما بالغت25دقيقه من الدمام الى الجبيل ؟!؟! ليه يابوغازي كم انت تمشي ؟ قال 180 , و190 واحيانا 200؟!؟!؟!؟ والله يالربع ان بعض الشي اعتبره انتحاااااااار .... فمثل ما قال ابو محمد والله الدنيا ماتسوى تزعل وتنزل دموع شيبانكم وعيالكم بالصدمه ا لموجعه بسبب سرعه واستعجال واهمال في السياقه والطريق .

[align=center]
ولا لك في شر قسم يابو زايد والله يحفظك ويحفظ زميلك بالعمل ابو غازي قل له يلعن ابليس والسلامه ابدا مادام عطيته وجهك وعلى مهل والنوم سلطان ما من يوم راحت علينا نومه بس عاقبة الريس ولا عاقبة الطريق وعز الله انك شيخ ولد شيخ يابو زايد تفعلها وتطول مع زملاك وتحب لهم الخير مثل ما تحبه لنفسك ياولد حارث بن كعب

اي بالله يابو زايد الطريق اخذه بنفس واتروح واغدي وانا راضي بحكم الله علينا من ذي المشاوير رزقنا وانكتب لنا بس ما يفحرنا الا الريس لقال ليه متاخر خمس دقايق ما يدري ان الي ضارب 100 كيلو ماهو مثل الي ضارب 2 كيلو مسكين راعي المشاوير يغبش عادها يوم قامت الصلاه ولا يتروح مع القايله ولا مع هجوع الناس ومن يبدر عشر ولا ربع ساعه ولا منة الريس ويعتبر اعراض الطريق ومشاكله وعاد التفاتيش في كل زغه ارفع البطاقه افتح الشنطه نزل القزازه سفط على جنب

الطريق يا اخواني فيه العاقل والمجنون وفيه المتعاطي والزعلان واصابيعك ماهي بسوى ابيك يستنى بكر الصبى يمد له من جوده وينفعه وولدك في رواك تشتري له ما يسليه وهلك انت في عيونهم الاب والاخ والدنيا ومن فيها لا تحرمهم شوفتك وشوقهم لك وتيتمهم والله يسلم وجهك يابو زايد الغالي ويخليك ويخلينا لشيبانا وعيالنا ويخليهم لنا جميع [/align]

اللهم ان تحييني فااحيني حياة السعداءوان تمتني فاامتني موت الشهداء
اللة يحسن خواتمنا ..فعلا من العقل والمنطق ان نفكر في منهم ينتضرون
العودة الي المزل ....تحياتي اخي عابر جعلك سالم

[نجراني]

ها خلني افتح موضوع ثاني يابو محمد ( يعني اشطح شوي )
ما دام تطرقنا للريس !!!!
الريس في العمل ملزوم بالنظام ( مثلك خبره وعارف )
ليه الموظف مثل ما قلت ما يبكر شوي في روحته للعمل ؟ لا الا يبكر كثير , لاجل اسباب عده :
1 لسلامته وللتاني في السواقه والوصول بارتياح , ورجوعه سالم غانم لعايلته ...
2 (attendance ) الحضور والانصراف كنظام متبع وبروسيجر ينتج عنه تقييم الموظف .
3 منة الريس وعزة النفس .
4 بعض الموظفين ( البعض ) الجماله فيه خساره , وتلقى البعض مهما تجملهنت معه ما ينفع , الا تحصله يتمادى مع الطيبيين من الرؤساء ( ~~~ يخيفني ريس طيب ) ....

صح يابو محمد والا ؟؟؟؟
الله يستر عليكــــ يا الغالي ...

[بالحارث العزيزة]

اقتباس : المشاركة الأصلية كتبت بواسطة بن حماقا [ مشاهدة المشاركة ]

اللهم ان تحييني فااحيني حياة السعداءوان تمتني فاامتني موت الشهداء اللة يحسن خواتمنا ..فعلا من العقل والمنطق ان نفكر في منهم ينتضرون العودة الي المزل ....تحياتي اخي عابر جعلك سالم

[align=center]أخي الغالي بن حماقا سرني منطوقك وجعلك غانم وسالم من كل شر والله يحفظك ويحفظنا جميع
ويحسن خواتمنا[/align]

[بالحارث العزيزة]

اقتباس : المشاركة الأصلية كتبت بواسطة فواز بن زايد [ مشاهدة المشاركة ]

ها خلني افتح موضوع ثاني يابو محمد ( يعني اشطح شوي ) ما دام تطرقنا للريس !!!! الريس في العمل ملزوم بالنظام ( مثلك خبره وعارف ) ليه الموظف مثل ما قلت ما يبكر شوي في روحته للعمل ؟ لا الا يبكر كثير , لاجل اسباب عده : 1 لسلامته وللتاني في السواقه والوصول بارتياح , ورجوعه سالم غانم لعايلته ... 2 (attendance ) الحضور والانصراف كنظام متبع وبروسيجر ينتج عنه تقييم الموظف . 3 منة الريس وعزة النفس . 4 بعض الموظفين ( البعض ) الجماله فيه خساره , وتلقى البعض مهما تجملهنت معه ما ينفع , الا تحصله يتمادى مع الطيبيين من الرؤساء ( ~~~ يخيفني ريس طيب ) .... صح يابو محمد والا ؟؟؟؟ الله يستر عليكــــ يا الغالي ...

[align=center]بالعكس يا يو زايد هذي ما هيب شطحه وفي مضمون حكانا
وكلام العقال شرواك ومثل ما قلت ليه الموظف ما يبدر شوي بس اشوف الي عنده ظروف
يتمهل بالطريق بعد ما يعطي ريسه خبر انه بيتاخر وعشان ما يحرج ريسه
وساعات العمل ما هي من كيسه ولقدر الله شر يكون ريسه خلى مسئوليته
اعرف واحد من زملاي بالعمل يكذب على ريسه كل يوم والثاني يقول عندي وعندي
ويوم جاء يوم قالوا اكيد عنده شي وريسه ما خبر ريسه الي اعلى منه اثر الرجال
في ثلاجة الموتى لا حول ولا قوة الا بالله

مشكور يا بو زايد الغالي ولا عدمناك [/align]

[سيف بير جابر]

الله يرحمه وهذى مناضر نشوفها والله يستر الواحد يتشهد قبل ما يطلع من بيته والله يكفيك الشر يا عابر والدعوه قضاء وقدر ولا تدرى باى ارض تموت

[بالحارث العزيزة]

اقتباس : المشاركة الأصلية كتبت بواسطة نواف بلحارث [ مشاهدة المشاركة ]

الله يرحمه وهذى مناضر نشوفها والله يستر الواحد يتشهد قبل ما يطلع من بيته والله يكفيك الشر يا عابر والدعوه قضاء وقدر ولا تدرى باى ارض تموت

[align=center]هلا والله وغلا باخي وولد عمي نواف والله لا يكافينا ولا يكافيك شر يا الغالي
والله يرحم الميت ويبقي الحي يدخر العمل الصالح
وما باقي الا وجهه الواحد الباقي وعز الله صدقت من يتشهد كل اربعين ليله وهذي حاجه واجبه
ومن هو على سفر ولا مخاطر طريق يكون احسن قرايتها في ذاك الوقت
ولو عودت للشرع فالشهاده في كل فرض صلاه وهي حق والموت حق اهم شيئ بني ادم ما يعرض
نفسه للانتحتار على شان تاخير هو في غنى عنه وياخذ العبره ويتذكر عياله وشيبانه
وانت اخبر ما من شيبه وعجوز منا ومنكم ناحوا بالصياح وتوجدوا فرقى عيالهم والي صابه مرض
من بعدهم واخر شئ ما لنا الا نتشهد كلنا بـ لا اله الا الله وان محمدا رسول الله والشهاده حق
والموت حق والجنه حق والنار حق والصراط حق والبعث حق وان الساعه اتيه
لا شك فيها ولا ريب [/align]