صوت بالحارث من أرض الواقع

[الحاجب المنصور]

الله لا يصبح ذي الوجيه الا بالخير

ووش كلن حاله طالت عماركم


العلم سلامة الجميع

علوم عيالنا من القبيلة تاصلنا اول باول من ارض الواقع فيها نحيي عيالنا اول شي من ذى المجلس وخارجه ونقول الله يجمعنا وياكم على خير وياسعدنا بشوركم الطيب في داعي شيبانكم وبعد ماتجمعتم ياشباب وقلتوا لازم الشيبان باجتماع ثاني يسمعون العلوم كلها

بعد مافكروا عيالنا من القبيلة انهم يسوون مجلس لقبيلتهم يجمعهم على العز فهذا شور طيب ومن وجيه طيبه وما يجي من الرجال الغيوره على قبيلتها الا ذي العلوم وشل وما لهم في ذي العلوم الا نصف معهم وانا جيتكم اليوم اشوف اكثر الربع متحفظين وماهم مبينين لنا وش اللي يحصل برى وقلت ادخل ذى المجلس مسلم عليكم وقاصد الله وياكم بذي العلوم واعلم اللي ماعنده علم واشره على اللي وصل عنده العلم ويتحمل مسئولية حمل الرسالة والمسؤلين هم اللي حضروا الاجتماع الاول ومن يبى يعرف اساميهم يرجع ويشوف بنفسه ومثل ماتعرفون اجتمعنا على العز في الاجتماع الاول حوالي خمسين رجال وكان صوتنا واحد انحن نبلغ الشيبان من ارض الواقع ونكرم لحاهم على عشاهم بعد مانجوب عليهم انهم كفوا ووفوا وجاء دورنا نقوم بفعل شيبانا واجدادنا وبصراحه زعل الكثير وقال وش حضرة ذولا الشباب وتمينا ياخلق الله بعض الحاضرين رضى وقال صح انحن في بلد غربه ماحن في منطقة نجران عشان يتحكم علينا ذولا العيال ويوم شفنا العلوم ذي تسر وافقنا بالاجماع وان الاجتماع التالي بعد شهر من تاريخ الاجتماع الاول الي هو الحين بيوافق الاسبوع الجاي واتفقنا نحط اهداف المجلس ونطلع لجان ومن فيه شده فمع الخيل ياشقراء ويزم نفسه مع الرجاجيل وماحددنا من اللجان الا ان حسين بن غرزه يكون اللجنة الاعلاميه وان فهد بن عويضه يكون مسئول عن المناسبات وباقي اللجان بعد الاجتماع الثاني وعلوم ماحن بخفينها عليكم جانا علم ثاني انه صار اجتماع ثاني ومصغر واللي حضروا في مجلس حسين برمان عيال ال برمان وحسين سرور واخيه سعيد ويوسف بن ويواء ومحمد عضيب زعرر وصالح مليح وفهد عويضه وهادي جونان وصالح هادي بهرر وصالح محمد بهرر وحسين غرزه وسدوا ان العلم ذى منتهي ماعاد فيه ممالاه وقاموا ورشحوا لهم غلمة رجاجيل وقالوا انهم مسئولين في عزومة للشيبان وامر الله عليهم واللي سمعنا انهم على روسهم كلن يكلم جهه فذلحين ماعاد به مجاملات العلم واصل الجميع ومن في خاطره شي فيبديه مناك يوم الخميس هذي علوم سمعناها في مجلس محمد ولد المرحوم علي عياش والشيبان من الفخوذ الثلاثه عليها حاضرين وقالوا هذا شي يجمل ولاحن بمنقصرين منه ابد.

نعناسيكم خليتوا كل شيبه يغرم 500 ريال في واجب ربعانا القطعان وانتوا لنتوا حاضرين كلكم كان جاء على الرجال عشرة عربي فكوا فينا واللي يبى العلم الطيب بيجيه

واي جديد بتشوفوني ادور للعلم الوكاد واعلمكم بدون مجامله ولاحد يزعل لبه شي قلته يزعل ولاني مجامل لو كان على اخي ومن دون ربعي ماني بكفو

الملقى يوم الخميس والعلم عند الجميع واللي عنده شغل يوكل غيره

وسلامتكم ياعيال العم

[الحاجب المنصور]

انا جيت اعلم الرجاجييل العلوم ولسمعتوا شي غير ذي العلوم فهاتوها