ياليت ان الجروح
[align=center]السلام عليكم ورحمة الله وبركاته اخواني وخواتي في منتديات بالحارث سيف نجران تحيه طيبه وبعد0
اعتذر عن غيابي بسبب انشغالي حتى أنني لاأجد الوقت للدخول في المنتدى
ولاكن يعلم الله انكم على البال اسمحوني ان اقدم لكم هذه القصيده امنى ان ترقى الى ذائقتكم الشعريه[/align]
[poem=font="simplified arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليت ان الجروح اللي بقلبـي تنبلـج وتبيـن=على منهو يمني الحال في شوفه ومقبالـه
يمنيني وهو يعرف كثر حبه بقلب حسيـن=على ويش التغلي دام صدري صار مدهاله
غريب اطباع ولا كيف مايبغى العلوم تزين=عطيته لين شاب الراس من طبعه ومنواله
اعدي له من إدلال الغلى واوفي مع الوافين=لجل لاغبت يذكرني مع اهل الجود والناله
سريت الليل لجله والعواذل كلهم صاحيـن=ولاهميت من يقبس بثوب الحـب مشعالـه
خذيت من القساوه مايخلي هالقلوب تليـن=وتعلن ضعفها في ساحة الميـدان وقتالـه
قوي بالله وبإيماني ولاعرف لعبت الحبلين=ولايمكن يغيرني الزمن لو غيـر احوالـه[/poem][align=center]وسلامتكم
اخوكم الشاعر حسين كرعل الوايلي[/align]
|
العرض الشجري