رد الشاعر مانع بن شلحاط على الشاعر ناصر الفراعنه عندما تهجم على الشاعر حمد السعيد

رد الشاعر مانع بن شلحاط على الشاعر ناصر الفراعنه عندما تهجم على الشاعر حمد السعيد

باسم رب البيـت ببـدا ولافيهـا كـلام
ومن بدى باسمه يعديـه للـدرب القويـم


ياسبيع أهـل المـروات عاليـن المقـام
يا أهل الأمجاد والصيت والذكـر المقيـم


أتشرف في لقاكـم ولـي قصـد ومـرام
ودي أسولف معاكم قبـل وقـت العتيـم


أفهقوا منهو تقلـط بكـم وأنتـم حشـام
ما يقلط فالنشاما سوى الزحـل الحشيـم


شاعـر الغلبـا تعـدا المنابـر فالظـلام
وين أبو شيبه ودسمان من ضيقة تميم


صح أنا عجمي وجـدي ورد بالـدم يـام
لو تميم أزراه عامر ضحك جـدي عجيـم


لكن إبدا الحق واجـب علينـا والسـلام
ومن سكت فالحق عـدوه شيطـان بليـم


والتفاتـي للهرابيـد مكـروه وحــرام
مير أفا ياشاعر الجن يا البحـر الطميـم


لاتجي هامة مضر وأنت ماتلبـس حـرام
ما يخالف خاتم الرسـل ياكـود الزنيـم


أمتدحهم خاتم الرسل فـي كـل المهـام
صفحة التاريخ ماغرهـا الرجـل الفهيـم


حنظله أخوه عمـرو" همـام مـع همـام
والرباب وسعد وقفة هميـم مـع هميـم


الاربعه تمسكـوا فـوق فعلـو السنـام
في تميم العود ويل أم من يجحـد تميـم


يا أبو خالد فابوظبـي المكـارم والكـرام
ياولـد زايـد والأيـام بأشباهـك عقيـم

أنت فوق الشعر ياشيخ وهـروج العـوام
فوق فوق وفوق مافوقك إلا قنوف غيـم


ويا أبو خالد في كويت المراجل والسـلام
أذنك أكرم من هـروج" يرددهـا شريـم


فعلك الطيب على صدرك السامي وسـام
تعرس بذكر المطانيـخ شينـات الحريـم


شاعر المليون منبـر معرفـه وأقتسـام
ينجح البارز ويبرى لـه أخـوه الغشيـم


داره محمد خلـف باحتـراف وبانتظـام
ثم تزعم فالبرامـج علـى يمنـا زعيـم


فارس المزروعي أرث قبل يرحـل هـوام
منهم محمـد إليـا خلـي الأمر الجسيـم


الضفـادع لـو تناغـق ماتثـر فالغمـام
تكرم العقـال مـن هضولة فـاه السقيـم

::منتديات بالحارث سيف نجران ::

قصيده ماله فيه كلف ولا اية داعي يحشر نفسه بين القبايل..

لكن الشحاذه وماتسوي .. هذا شاعر لا يمثل قبيلة يام أبداً ولا يعكس صورتها..


تحياتي

الله يكفينا شر العصبية القبلية
((قال صلى الله عليه وسلم((دعوها فأنها منتنه))أو كما قال عليه الصلاة والسلام

اقتباس : المشاركة الأصلية كتبت بواسطة وطن بالحارث [ مشاهدة المشاركة ]

قصيده ماله فيه كلف ولا اية داعي يحشر نفسه بين القبايل.. لكن الشحاذه وماتسوي .. هذا شاعر لا يمثل قبيلة يام أبداً ولا يعكس صورتها.. تحياتي

ابن شلحاط يعد من رؤوس يام ويكفيه بانه من سلالة الشيخ راكان بن حثلين وهذا يغنييه عن التعريف الذي قمت به أخي وطن بالحارث ,,
ولذا نأمل إعادة قراءة القصيده مره واقتباس لنا الابيات التى تنص بالشحاذه ,,,,,,,,,,

يا أبو خالد فابوظبـي المكـارم والكـرام
ياولـد زايـد والأيـام بأشباهـك عقيـم

أنت فوق الشعر ياشيخ وهـروج العـوام
فوق فوق وفوق مافوقك إلا قنوف غيـم

داره محمد خلـف باحتـراف وبانتظـام
ثم تزعم فالبرامـج علـى يمنـا زعيـم


فارس المزروعي أرث قبل يرحـل هـوام
منهم محمـد إليـا خلـي الأمر الجسيـم


ماهو الغرض من زج هذه الاسماء في القصيدهَََ

اللبيب بالاشاره يفهم.. واذا تبغا ني اقولك الصدق وش دخل الشاعر بن شلحاط من بد شعراء الكون يرد على السبيعي ويدخل نفسه وقبيلته في متاهات هو غنى عنها..

هنالك شعار من سبيع ومن تميم ردوا على بن شلحاط ومسحو به البلاط ويستاهل من تبع ذي الطرق الملتويه..

ونعم في ربعه العجمان وانااشوف انه ما يمثل الا نفسه وبس ماله شغل في قبيلة يام.. ونحن في غنى عن بن شلحاط اذا هذي تصرفاته وحماقاته..

بن شلحاط ونعم فيه شاعر من الوزن الثقيل وله وقفات معهوده

وجميع الشعراء يمثلون ربعهم وبن شلحاط عجمي ومرجعه يام

ويحق له بأن يمثل هذه القبيله العريقه ما قول إلا صح لسانك

يا أبن شلحاط شاعر تفخر به القبائل كلها وأنا من الناس المعجبين

بقصائده ومن المتابعين له . ولا تخاف على هذا الشاعر فيه كفاية

نفسه . وبعدين هذه القصيده أعتبرها نقد على الفراعنه كيف شاعر

مثل الفراعنه ينزل نفسه بقصيده مثل اللي قالها في حمد السعيد

الله يكون في عون الشعار .... يهيمون في كل وادي

أخي سكون الليل ...
الله يعطيك العافيه وماعليك زود وبيض الله وجهك ,,,,,, تحياتي لك

وطن بالحارث