تعال يالهواوي

(( سيف ابو حدين ))

نعم صحيح كان خطاء املائي طال عمرك والصحيح هو (( حاجز )) وليس (( حاز ))


خلوووووها


نشدت وقــالو عميرِ يا كـم كيّه أعطــاه
ما فـــاد علاج شعبي والحاله مستحيله

ماودي أتعب النفس وبحث عن خفاياه
كفيــله وقتــه إعـــدله عــن كــل ميـــله



الهواوي

واله ماجاني النوم وقلت اشيك المنتدى يالهواوي لكن يوم شفتك متواجد انبسطت وخفت في نفس الوقت لا تسرينا الدوام سهارى .......هههههه

مرحبا يالسنافي ترحيبة من بطن وظهر

خلـــوها


اذا ناطحت لك رجل ويصعب حيل تقواه ... لزوم أنك تصافحه ولاَ لا تجيــله

أنا بنشدك والعبد وشهي زين دنيــــــاه ... على ثنتين حله كتاب الله دليــله

(( سيف ابو حدين ))

الله يبقيك ولا هنت على التراحيب الجلال لا هنت


خلوووووها

ماكل ذيب ليمن عـوا يرهبني إعواه
مير إنتبه ليمن الهواوي سـال سيله

يزين العبد فرضٍ ليا إنه قام صــّلاه
يعطيه ربي المــالِ وعيــالٍ وفضيله



الهواوي

اقتباس
(يزين العبد فرضٍ ليا إنه قام صــّلاه) عذرا على التعليق بس ياليت البيت يكون أوضح لانه ربما بعض الشعراء يختلف نطقه عن كتابته .

خلوهــــــــــا

نعرف الرجل ياصاحبي من مد يمناه ... وسيلك مايمر اللي أخلاقه نبيلـــــه

رمع للغز والحل تسلم لي شفايــاه ... عسى ربي يحفظك من أعمال رذيله

(( سيف ابو حدين ))

يعطيك العافيه على التنويه ولا هنت .. فعلاً قد يكون هناك خطاء في قراءة بعض الكلمات ولكن انشاء الله انها تكون واضحه بالنسبه لك يا ذيبان
عمومً اذا كنت تقصد كلمة (( يزين )) فالكلمه تقراء هكذا (( يِزِيِنْ )) واذا تقصد (( صلاه )) فـ اللام مشدده (( صـــلاَّه ))
واذا تقصد شئ ثاني فياليت توضح مشكور

خلووووووووها


أنا أشهد إنك شاعر واللّعبِ زانت أجواه
يــا شـــاعرً تجمــلة و أبيــــاتك جميــــله

الفخر للهــواوي لا قـــالو سيف خـــاواه
قــدرك ثبت ولا عـــــاد به لاشٍ يزيــــله



الهواوي

وفيت يالهواوي بس حبيت المشاهد يستوعب مع التوضيح

خلوهــا



يشرفنا الهـــــــواوي ومدحه قيل بقــــفاه ... ونواصل معه في لعب موالِ(ن) وشيلـــــــه

ختمت القاف لجل أعطي الفرصه لشرواه ... وكلمة نعم هي مكسب الرجل وحصيــــــــــله

وسلامة الجميع...،انا اعلم أنك يالهواوي تصهل صهيل الخيل ولايشيب عندك القاف ولكن نغير القلطه لنستمتع و يستمتع معنا الصفوف و المشاهدين

أبرك الساعات اللي لعبت فيها معك يا (( سيف ابو حدين )) وبدون أي مجامله فأنت مدرسة شعرية تعلمة منها الكثير

على أمل بان التقيك في القريب العاجل وهذا ما سوف يزيدني شرف وسرور


اخوك / الهواوي