قصيدة تهول للشاعر فارس بن محمد بن عيبان بالحارث وعزاللة انة شاعر كفو ويجمل مثل ابية
يا طول صبري في بلا جور الأيام=ويا قو عزمي لقبلن الشدايد
وإن قلت قدام ٍ فأنا دوم قدام=رابي على الناله وطيب العوايد
آرد مواريد الفخر ورد بهيام=وأرقى مراقي العز في كل نايد
ولا جا نهار ٍ فيه تنشق الأكمام=أرسي كما ترسي الجبال الطوايد
على خُطى رجل المُروَّه و الإقدام=اللي بوقت الشان يسوى بدايد
عود ٍ سقاني الطيب والجود ثم شام=راسي عن علوم الدنا والنقايد
والبارحه هبت نسانيس و أنسام=ريح ٍ عبقها خَصني بالقصايد
فَلَّت هجوسي ثم غَدى أمر وإلزام=إني أصوغ أبيات شعري فرايد
وهديتها مهره بلا سرج والجام=وأمسيت ألبسها حرير وقلايد
مهره تشابي مهرةٍ لا بو تمام=حبيب طي أهل العلوم الوكايد
ميلادها الأول عصر صدر الاسلام=وللحين تصهل فالكتب والجرايد
وتقول نَقِّل خافقك وين ما هام=وارحل ترى العالم وسيع البلايد
لكن مَرَدِك صاحبك لأولي دام=فيك الهوى ينبض وتاتيه عايد
وأنا الهوى مني برى لحم وعظام=وأشقى عيون ٍ ما أهنت بالوسايد
من حب ديره مبعد ٍعنها أعوام=اللي تسود قرومها كل سايد
ديرة ( هل الشلفا ) لمن البلا حام=(والله يهنيكم) بوقت الموايد
هي شِف روحي والهوى شِف وأقسام=والله بمداته على الناس جايد
غَرس هوى نجران فيني ولا صام=في يوم قلبي من هواها وحايد
فياللي بها من متعبين الرمك يام=وهمدان إبن زيد العريب التلايد
قولوا لها فارس قضى الليل ما نام=شَفق لتراش وطاوله شوق قايد
منقووووول