مرحبا للعموم !

يعطيك العافيه أخوي الهواوي على الظاهر والباطن ........و أحسنت اختيار البيت

خلوهــــــــــــا

في يمين وفي يسار وفيه قدوه للفصيــــله & خوضها والحافظ الله للفصيــل ولا السريه

يارفيقي لا تخاف من الخفبفه والثقيـــــله & خطوتك أقدم بها بالصدق من دون الاذيه

يعافيك ربي ولا هنت على التعليق يا ذيبان


خلوووووووها

في ميــادين الشعـــر كلٍ ينــاظر فــي قبيله @ ما تجي مكه يا كود إنك تمر مع الحويّه
لا غدا الوادي غميق وينهمر بالحيل سيله @ لا تطبه ثم تــــروّح دون هذي ودون ذيّه


الهواوي

تحياتي الهواوي ))))


خلوهـــــــــــــــــــــــا

رميتا من غير رامي للشــــــــــجاع ولا الذليله & ودها ماودها مـــرت شــواطئ ساحليـه

امطرت والسيل يعرف له مساره في المسيـــله & لاتحاول تكشف الموضوع والشيطان غيه

خلوووووووووووها



يا صحيبي كم على الدنيا كبودٍ هي عليله @ علّها وقتٍ قسى ما بين شمس وبين فيّه
أبن تغلب قـــد سرى ليله علشان الجليله @ والقضيه كلّـــها بأسباب مفـــرود ومطيّه


الهواوي

خلوهــــــــــــــــا ياصفوف .......!!


القلوب الطيبه فـــارت ولكن من غليله & ولاتلوم اللي على صدره من المحكوم كيه


جعلها فدوة عيونك يالكريم بن الاصيله & الخواطر قلتها لك باللحــــــــــون السامريه

خلووووووووووووها



أنت شـــاعر للرّبع مــا ظنتي نلقى بديله @ مـا نلومك جعل من لامك توافيه المنيّه
علمكم غـــانم وغيـرك لا يجينا ولا نجيله @ يا عسى ردي يلاقي في ضميرك قابليّه



الهواوي

شكرا يالهواوي على تناولك معي هذه القضيه ومجارات طيبه من رجل طيب


وأنا متواجد على الساحه في أي قاف تلعب فيه ومن تواجد فأهلا به معنا ومن غاب أو أنكر وجوده أو شاعريته فتكفي وتوفي ياكحيلان .


أستلم .! خلوهــــــــها

أتنومس فيـــــــك والخاذل بنشرب فناجيله & ومن حقرنا يالهواوي يصبــــــح بيومــــه ضحيه

أنت شاعر وأنتباهك ساعدك عن كل ميلـه & خاتمتـــــها طيّبه والطيب في وقت العشــــــــــيه

والله يكثر من أمثالك ولنا ملتقلى انشاء الله بقاف جديد وشكرا لك مره أخرى وتحياتي للجميع

(( سيف ابو حدين ))

لا هنت على التنويه والتعليق و معاش من يحتقرك طال عمرك
واخس الرجاجيل اللي يستهين بالرجاجيل
وانشاء الله ان شعراءنا متواجدين ولهم بصمتهم في هذا القسم وقد يكون هناك ظروف منعتهم من الدخول والتواجد في هذه الفترة وانشاء الله يرجعون لنا سالمين غانمين ليتحفونا بما لديهم من ابداعات شعريه في مجال المحاوره


وراح نبدء بقاف جديد يا ذيبان





اخوك / الهواوي

على القوه الهوااي وسيف ابوحدين

عاشت أيامكم ونتظر البقيه في المحاوره الشعريه


تحياتي لكم/الفارس

شكرا أخوي الفارس على التشريف الطيب وتجشيع شعراء المحاوره .