أقرب يا سيف ابو حدين

هلا بك الهواوي

خلوهـــــــــــــــــــا


بعض المناظر طيبه لكن الموضوع محجوب & هدفتها والبنت صارت على المعنى كسيفــــــــه

منه يدورها على الناس يصبح يوم مضروب & أنتا بري منها طبــــــــــايع ردي عينه كفيفه

(( سيف ابو حدين ))

صبحك الله بالخير يا ذيبان
أدري إني ثقلة عليك بطرح الأسئله والقضايا ولكني قصدت بأن نستفيد مما ستم طرحه وما سيتم الاجابه عليه
وانت كفو وشاعر متمكن وماشاء الله عليك قدها وقدود ورمعاتك موفقه

خلوووووووووها

القصد يدخل في وسط لعبنا حكمات وعـذوب @ وردك سمين وكــل بيتٍ ولـــه عندك رديفـه
وش قولكم في خزنة داخله في وسط دالوب @ وحرّاســها عيّا يشـــاور ومقنـــع بالرغيفه




الهواوي

هلا بك يالهواوي من جديد



أستلم ......خلوهــــــــــا

باعي طوبلِ كان تبغى على الجرات مسحوب & الله عطاني مثل مايعطي الشاعر خليفه

ان كان ماله في حلال وخذاه البخل والحـــوب & الورث لعياله وتنشر وفاته في الصحيفه


وكل شاعر له ميول والمعاني في بطون المعاني

(( سيف ابو حدين ))

مرحبا والله ومسهلا فيك يا غالي


خلوووووووها


من لا يشوفك يالخوي يا عسى بعيناه ضبضوب @ يــا شــاعرٍ أتحفتنا قــلِ مَنْهـــو فـــي وصيــفه
وصاني !! منهو دمع عينه مع الأيــام مسكوب @ وقال إنشـد الشاعر عن اللي غدا بيته رصيفه



الهواوي

حياك يالهواوي

خلووووووووها


وافي وهرجه يرفع الراس كله طيب وعذوب & مبسوط يوم أن الهواوي علينا مر طيفه

الله يحفظه من غدا في زوايا البيت مسلـــــوب & بين الحروب المفجعه ياعرب ياهي مخيفه

للمشاهدين والشعراء أعتقد أنها لاتخفاهم معنى كلمة عذوب فالهواوي ذكرها وأنا ذكرتها

عذوب ؛ أسماء التقوى والحياء والعفه

عذوب ؛ وهو المعروف لدينا عذب الكلام واللسان لتوضيح فقط

خلوووووها


إلـ كل شئٍ يالخوي نسبته وأنت إلك منسوب @ منسوب فهمك غير يا متعبٍ حتى وصيفه
بالشعر نصبتك على هامة الشّــعار منصوب @ يـا شــاعرٍ أمتعتنا والعـــــدو عينه ذريفه


ختمنا القاف ياجعل عمرك طويل لنترك مجال للشعار لبدع قاف جديد
اعجز عن التعبير عن امكانياتك الشعريه ولا اقول الا ما كتبته في البيت المتواضع طال عمرك


ملاحظه : وصيفه في الرد الاول بمعنى (( الوصف )) وفي هذا الرد بمعنى (( الوصيف ))



اخوك / الهواوي

أولا لاخلى ولاعدم يالهواوي من مجالستك المشرفه أنت وشرواك
ثانيا أنت شاعر متمكن ومتألق وتطمح لكل ماهوجديد
ثالثا ربما تكون بعض الابيات لها معنى لايدركه الا الشاعر فقط وان كان من كبار الشعراء ويعجز الشاعر الاخر تفكيك مافي بطن المعنى ولكن يبقى شاعر قوي وفعال في الميادين
رابعا الحمد الله أني أصبت الاهداف وربما تعود على حب وتشوق اللعب معك ياذيبان
وأخيرا وليس آخرا الله يجمعنا وياك على العلم الغانم وأعذروني أنت والشعراء لعدم تواجدي هذه الايام فتره اجازه الله يسهلها علينا بالفرح والمتعه وانشاء الله راجعين على خير .