(( عقيد الحاره ))
حياك الله وبدايه قويه وماشاءالله عليك ههههه هذا وانت مستعجل وعندك مشاغل وكمً لزوم تقضيه وجاي مندفع يا ذيبان
على العموم أنت جزل والقصيد ماهو يجيب المشاكل والنشب
نقدك عرفناها والبحر ذا بحر خاص فيني واذا تقدر تجاريه جاره يالذيب
بس ياليت انك ما تحط شدة وتقيد بالقاف يا شاعرنا ومنك نستفيد ونقبل اي نقد منك ومن غيرك
والدعوه تسليه وتراني ماني بشاعر اقولها مليون مره ماني بشاعر بس ملقوف وابياتي اقصد الكلام اللي اقوله معجبني
والناس اذواق وانا اخوك ويمكن ما يعجبك ويعجب غيرك ممن ليسو شعراء مثلي
اتمنى ان الصوره واضحه وما يحتاج اعيد لك يا الخوي
وبريحك بذي الكلمه انت وغيرك (( الهواوي ماهو بشاعر بس ملقوف شعر )) ههه عدوه كلام عادي ومشوها علشان الجماعه
واذا حد زعل ولا ما اعجبه القاف اتذكر الكلمه اللي كتبتهاولا ينسخها ويحطها ضمن مشاركته اللي بيكتبها
وبكذا تنتهي المشكله ويرتاح باله مافينا للنقد
(( عزالله ان الدكتور غسان فتح مجال لعرب واجد ينقدون ))
بس هو كان نقده غير وله قصد فيه وبعض العرب خذ النقد من شان اتحاكا فقط لاغير من ورى شاشة الكمبيوتر مع احترامي للجميع
(( مر الحقيقه ))
مرحبا والله ومسهلا فيك
تواجدك ومشاركتك زادة فيني ضلع ولو اني قد اقنعت ان مافيه حد من الشباب بينزل مدري وش السبب
يمكن علشان الهواوي ومشاكله
لكن انت كفو وتسد اللزوم يا ذيبان ولي الفخر اللعب معك ومع شعارنا اللي ينومسونا في كل محفل طال عمرك
وكل عام وانتو بخير ومبروك عليكم الشهر
خلووووووووووها
دام البقاء عدد ماطارت طيور وتحوم
يلي هرجك واضحاً وما مثلك يحرفه
والنعم فيك يا فارس القوم يــا زيزوم
اسمك لمع وزاد اسم جدك زخــرفه
ملاحظه : اعتذر عن غيابي الفترة الماضيه لظروف خارجه عن الاراده وعدم نزول الشعّار كذلك لهذه المحاوره
الهواوي