مليون يصرف في براطم بهيمـه
 

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

البارحه مانمت ضايـق ومغبـون =عيو علي بالنوم نـاس غشيمـه
ناسٍ بفعله تغضب الرب وشلـون=بأسبابها خشاش الصحاري سقيمه
زملٍ عليه العفش ومحزم عيـون=قـام يتخبـط وانتثـر بالعتيمـه
وين الرجال اللي من الله يخافون=وين الرجال اهل العقول الحكيمـه
الابل عطايا الله لها عشق مجنون =مـا غيـره زودٍ ونقـصٍ بقيمـه
يامغلين الـذود تكفـون تكفـو=ما للفسـق إلا عواقـب وخيمـه
مدري جهل بالديـن والاتعرفـو=والا هياط ونفعهـا ظـل غيمـه
تباشرو بيناتهـم جـاك مزيـون=كنّـه يبشّـر بالعـراق العظيمـه
ناسٍ توكل طفلها خبز!! بـ ديون =ومليون يصرف في براطم بهيمـه
إن كانكم للخير والطيب تشـرون=ياكثرهم أهـل البـزور اليتيمـه
شوفو عزيزٍ داخل الحبس مسجون=مسجون من كثر الكرم والحشيمه
وألا عجوزٍ ضامها الوقت والهون =ضناه واحد!! رافضاتـه حريمـه
الجود والاحسان والرفق والعـون =أربع ماهي بدروبكـم هالعقيمـه
ياليتكم ناسٍ حريصيـن وعفـون =ولا نعمة تنكب عسى الله يديمـه
انا بدوي في سلمنا حيل مفتـون=اذواد نملـك بالسنيـن القديمـه
يوم إنها مابين طاعن ومطعـون=نـذود عنهـا ماخذوها غنيمـه
يالايمي لو لك معاويـن ومتـون =ما زعزت شخص فرد بالشكيمـه
الحمد لله دايـم إبليـس ملعـون =النفس تصبر لو ظـروف أليمـه
تبطي ويبطي من بنا عمره ظنون =اموت لكـن ماتشـوف الهزيمـه[/poem]

الله عليك اخي الصريح


قصيده جميله ومعبره وتحكي واقع اليم نعايشه بهذا الزمن الغابر


ومايظيم اخي الصريح مارايته بام عيني والتبذير الغير مبرر في بر (ام رقيبه) تبذير فضيع نسأل الله الستر والعافيه

لك التحيه اخي الصريح وفتك بعافيه

[align=center]تسلم أخي ابو مليح
وبصراحة انا أسمع عن ام رقيبة والتبذير بس ماشفتها

في أمان الله والله يستر علينا وعليكم ومشكور على المرور[/align]

أهلا أخي قلب نجران

وتسلم على مرورك الكريم

ومشكووور على تنسيق القصيدة