::منتديات بالحارث سيف نجران ::. - في ذا أوهنيا إوهنا أو هناك

::منتديات بالحارث سيف نجران ::. (https://www.saifnajran.com/index.php)

- منتدى الشعر (https://www.saifnajran.com/forumdisplay.php?f=12)

- - في ذا أوهنيا إوهنا أو هناك (https://www.saifnajran.com/showthread.php?t=2640)

في ذا أوهنيا إوهنا أو هناك

[mark=cc0033][align=center]في ذا أوهنيا إوهنا أوهناك
ماهو مهم بس المهم أكتشفتك

ولاعاد منهم خوف ذولا وذولاك
أنا من العالم كاني صرفتك

ادري بعقلك وين جابك ووداك
مالك عليه دين والله ماشفتك

ولاني بساحر يوم اعدد مزاياك
لكن نهر الشوق فاض وجرفتك

باحساس اضنه قاصر من حلاياك
شفتك بقلبي وبقصيدي حذفتك

لكن تعال وكل ماراح يفداك
وحقك علي ان كاني ماعرفتك

إتصدق اني عارفك قبل لا ألقاك
يعني لو اشوفك بشارع عرفتك

وإتصدق إن كني معك واتحلاك
وان كان منت بمقتنع بي وصفتك

أراهن إن من ناظرك ماتعداك
وأراهن إنه صعب جذبك ولفتك

وأراهن إن كنك مخدر بممشاك
وأراهن إن لك عين حوري وتفتك

وأراهنك .. وأراهنك .. واتحداك
اني من كفوف الوسادة خطفتك

الله عطاني منك يازين وأعطاك
من دون لاشوفك بعيني ولفتك[/align][/mark]

صح لسانك يا عقاب والله لا يهينك

صح لسانك اخوي على القصيده ((تحياتي))

صح الله لسانك أخوي[overline] عقاب[/overline]

أخوي عقاب حاول تكتب مقدمة أو ختام للقصيدة لنعرف من صاحبها وشكرا لك

[movek=right]تتنظر جديدك[/movek]

الله يعطيكم العافيه جميعا هذه القصيده للشاعر / محمد بن حمد بن محمد بن فطيس المري

الحب مثل النوم

[align=center]الحب مثل النوم .. والوصل ..الاحلام
والشيين من الاحلام صد المحبيين

نوم طويل عمره اشهور واعوااام
وان قمت فهمها فرااق وسهر عين

وانا رقدت وعمري اربع عشر عام
وصحيت فى شهر اربعه عام الالفين

نوم ثقيل كله أحـــــلام واوهـــاام
ونصيبي من احلامه الجانب الشيين

ويا وجد حالى وجد من نام ثم قام
على صياح أمه وهو دون رجـــلين

عويق وامه تنعته والنعت ســــام
وهو خابر انه يقسم الصف صفين

حبا وصــاح بصيحه تاصل الشام
منها تقطع فى خفوقه شرايين

على وليف قسم اظنوني اقسام
واقفي وانا ما اعرف طرد المقفين

راح وترك فى صدري ووسوم واعلام
وصى علي طيفه وقفــى بقلبـــين

ياعين لا تبكـــين وعيــونه تنــــا م
عادش الى ما خاب ظني بترضين

لـــو الدموع تفيد فــادن الايتــام
ولو الكلام يفيد عادت فلسطين

ولو النباات يطلعه دمعة هيام ؟
شفتوا على وجهى ورود وبساتين

الحب سجن .. وبعد الاحباب الاعدام
وقلوبنا السجان مدري مساجين

الحب نوم عمره أشهوور واعوام
وان قمت ففهمها فرااق وسهر عين

وانا ترااي انعست من مــدة أيام
لحدن يصحيني يالاقداار .. تكفيين[/align]

للشاعر / محمد بن حمد بن فطيس المري ( امل ان تحوز على رضاكم جميعا ولكم تحياتي )