قصيده من روعتها انها حكمه في زمن قل فيه المخلصين
[align=center]
تدري وش اللي يصدم الرجال في بعض اخوياه
وجودهم في النايبـات الملزمـه مثـل عدمـه
وتدري وش اللي يقهر الرجـال ويبيـن خفـاه
الا بغى المحـزم ولا عيـن ذخايـر محزمـه
من غير ربعٍ ينقلون الحمل جعل امحـق حيـاه
امحق حياه توجع الرجـال غصـب وتلزمـه
وين الرفيق اللي الى ابطى صاحبه يومين جاه
يفرح الا شافـه وياقـف لاتضايـق وزهمـه
لايارفيقي والرفيق الـى خطـا يدمـح خطـاه
ماهو يدور زلـه الصاحـب وعثـرات قدمـه
ياصاحبي والطيب لاهل الطيب مايخفـى نبـاه
الطيب للطيـب بلـد محكـوم والذكـر علمـه
وش لي برفقه واحـدٍ لاحتجـت لقانـي قفـاه
بلسانه ابشر با السعد عونك وبا الفعل رخمـه
[/align]
|