قصيدة الشاعر حمدال مطارد في احتفال المنطقة بيوم الوطن
ضمن فعاليات الاحتفال باليوم الوطني لعام 1430هـ القى الشاعر حمد علي ال مطارد قصيدة رائعة بهذه المناسبة وقال :
[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياوطن دامت افراحك كل عام يعودي= في رخى في امن واستقرار في حريه
ياوطن حنا عيالك في اللزوم جنودي=كلنا لاجلك خفاره كلنا دوريه
والمنايا ليدعانا حوضها المورودي =دون حدك ياوطن نارد علي صافيه
ان قريت الكلمه الي مجدها ممدودي =اعرف ان كلمة سعودي بالشرف معنيه
عند حرف السين رمز السلف يامحسودي =يالسعودي انت رمز السلم والجديه
وعند حرف العين رمز العز عز جدودي=كل من شلفاة بالدم الحمر مطليه
ساندوا عبدالعزيز بصادق المجهودي =ورفعوا البيرق مع الابطال يوم الهيه
يوم قل الزاد والماء والدخل محدودي =وابتداء ليل الجهل يقضي على الالفيه
اعتزاء عبدالعزيز والاربعين فهودي =ثم سرى تحت الظلام وتحت شمس حيه
الرياض ارضي ونجدي والحدود حدودي =والرعيه عادها في ذمتي مرعيه
ثم هجد نجد وكنه بالنصر موعودي=واثق بالله ثم رجاله وصدق النيه
حرر المصمك بعد ماغيم البارودي=كن دواوينه تقول ارحب ويالله حيه
وعند حرف الواو رمز للولاء والفودي=ينزرع في الاب ثم الابن والذريه
وعند حرف الدال رمز الدين واخذ عهودي=خشية المعبود في الاعلان والسريه
وعند حرف الياء رمز اليمن في الموجودي=والعطاء والامن والخيران بالكميه
الولاء لله ثم لك ياملك مشهودي=في قلوب الشعب حبك سيرته مرويه
انت راعي الطيب ماللطيب بعدك زودي=ميزه في شخصكم مأسورة مسبيه
يوم صار الطيب في كل البشر محدودي=مالطيبك حد ماله عد واحصائيه
سيدي ريف اليتامى فزعة المضهودي=راعي الوجه البشوش وراعي الحنيه
والسجين اللي بعفوه فك منه قيودي=شارك اطفاله في الافراح والعيديه
الله يكتبها له وجعل اجرها ممدودي=ويرحم الله والديه الرحمه المرضيه
ياولي العهد شعبك ينتظرك تعودي=بالسلامه ينتظرك الشعب ياغاليه
ساندك نايف وصرتوا للمليك عضودي=تدعمون الامن بانجازات وامكانيه
لاجل شعب المملكه فوق الشعوب يسودي=بالتكاتف والولاء والطاعه الفعليه
ضد من يجعل جميلك يابلد مجحودي =غادر ماله عهد واعماله اجراميه
بالامير محمد الصرح الرفيع الطودي=قوتك برجالك وبالخطه الامنيه
ضربه ماتوجعك تقوى بها وتزودي=بعد زود الله وامانه مايصيبك سيئه
يالروابي الخضر ياروس الجبال السودي=واكتساك الوسم بخياله وهل نوويه
رحبي بالغيث يانجران يالاخدودي=ديرية من بعد ماجاها الحياء مكسيه
السحايب قبلها برق الحياء ورعودي=مثل مامشعل قبل ياتي يجي طاريه
هب من نجد الخزامى والنفل والعودي=في قدومه فاح ريح الهيل والبريه
راعي الكف الكريم الممتلي بالجودي=خذ مع الاخلاق طيب السيره الذاتيه
كل يوم مكرمه يصخى بها ويجودي=كله ايجابي وتوجيهاته ايجابيه
يامعيد الهيكله حنكه وصدق وعودي=يامنظم ياكفو ياثوره انمائيه
لاعدمنا من سموكم الوفاء المعهودي=لاعدمنا شوفكم يابركها من جيه
شوفكم مثل الحياء والغيث يال سعودي=ياربيع الدار يا للي باسمكم محميه
ياوطن حنا عيالك في اللزوم جنودي =كلنا لاجلك خفاره كلنا دوريه
كلنا سيف بوجه اعداء الوطن مجرودي=كلنا درع عليه وكلنا جنبيه[/poem]
|
العرض العادي
