قالت وهـي تبكـي ترى الكل يفداك..,,

[قلبــي مملكه ومهــاتملكـه]

جتني وقالت خذ بقايا هـداياك
وهـاك الـرسايل وأعتبرهـا نهايه



وخل ذكرياتي والصور دوم وياك
مابيك تنساني وتنـسى هوايه



وأستر على ماشفت مني وماجاك
وعساك تذكر ذكرياتك معايه



قلت أسمعي قالت عسى الله يرعاك
مـاعاد ينفع ياحبيبي كفايه



صاح الضمير وقال يالزين وش جاك
ودي أعرف اليوم شنهو خطايه


ودي أعرف اللي حصل لاعدمناك
شاللي حصل بالضبط شنهي الحكـايه



قالت ( خطبني ) شخص مثلك وشرواك
وأبوي ملكه لي وحـطم منايه



قالت وهـي تبكـي ترى الكل يفداك
لكن ظروف الوقت زادت شقايه



غصب علي اليوم أوادعك وأجفاك
مجبوره ياقلـبي أفض الروايه



لاتعتقد في يوم أنا بقدر أنساك
أنت الوحيد اللي لهالـقلب غايه


والقلب صابه وقتها ألف دكاك
والهـم أعلن في حياتي البدايه

تحيااتي :moo14oon

[الولهان]

الله يعطيك العافيه

على هذا الإبداع

ودمت في خير

تقبل مروري


*أميره الورد*

[ذيب بالحارث]

اخوي قمر 14 يعطيك العافيه ويسلمو اناملك عالنقل الرائع

هذه من اروع قصائد حمد المريخي

بس فيه تحفظ لبعض الابيات

مثل
وأبوي ملكه لي وحـطم منايه (بالمعنى)

غصب علي اليوم أوادعك وأجفاك (بالوزن)

لاتعتقد في يوم أنا بقدر أنساك (بالوزن)


تقبل مروري

[قطعاني03]

[align=center]صح الله لسان الشاعر حمد المريخي كما اسلف أخوي الربع الخالي

أخي مو14ون الله لا يهينك على هذا النقل الرائع والمميز

دام لي تألقك وإطلالتك الرائعة

تقبل مروري وتحياتي[/align]

[سكون الليل]

[align=center]قصيده جدا روووورعه وصح الله لسانه

يعطيك العااافيه اخــ موو14وون ـــوي على النقل مثل هذي الابيات الجميله

تقبل مرووري[/align]