زواج غير متكافئ ماديا ........يازين العزوبية ؟؟

[الوعيلي خالد911]

[align=center][align=center]السلام عليكم ...........أسعد الله أوقاتكم بالخير [/align]

وش حالكم جميع .......... في الحقيقة توقعت اللي يقرا العنوان وفي خاطره العرسة يطير عقله هههههه بس لا حد يخاف القصد أقول قضية وقصة في الواقع من زميل لنا في الكلية في الرياض


المهم ومن قال يحيا

زميل لنا من اهل الرياض من اصل قصيمي عزم يعرس الرجال وكلم الشيبان وسدوا وخطب وحده في باله ومعزم عليها وسدت القبايل

البنت كانت من هل الرياض من الميسورة حالتهم بس ماهم تجار يعني فوق المتوسط
على قولة الصبي وهو عادي مثلنا حاله حال أي واحد سعودي بيته دورين ومعهم جمس عند الباب

كلمني الرجال ومبسوط ويعزم وطاير من الفرحة ومن ها الكلام وقمنا نبارك له ومبسوطين لخوينا ذا المهم بعد شهر كلمته ولين الرجال ماهو اللي انا خابره صوته شين وفاصله معه ....


وبما اني خويه وطايحه الميانه معه وفيني لقافه قلت يارجال صل على النبي وش قومك ؟؟؟؟؟؟؟

قال يابو علي شكلي توهقت في الملكة والخطبه مع البنت >>>> الرجال بدا يفضفض لي والله وتأكدت ان الكلام من جد ولا هو يمزح وقلت عسى ما خلاف


قال ذبحوني بطلباتهم :
قال اتصلت على ام البنت عمته ( أمحق عمه ) وقالت حجزت الزواج في فندق الانتر ب 85 ألف فيك النص وفينا النص

قلت : طيب عوايدكم يا هل الرياض

قال لي : قلت انا في استراحة والفلوس كلها علي قالت بناتي ما يتزوجون الا في فنادق ؟؟؟؟؟؟؟؟؟؟

ا قال لي : اني وافقت وقلنا عسى الله يعين


قال : بعدين جات أمي وقالت لي لا تشتري الذهب كلموني الجماعة وقالوا يختارون الذهب ويكلموني أروح أشتريه <<<< ويقول امي معصبه عليهم بس لاحياة لمن تنادي

قلت يارجال وين المشكلة


قال : اللي تبا زواجها في فندق اكيد الذهب ما يقل خمسين الف ذهب أو اكثر ؟؟؟

بالعربي يا شباب الرجال توهق ناوين يمصون دمه


وتخيلوا قال : أتصلت المدام ( حركات ) وقالت لا تختار أثاث الشقة يمكن ذوقك ما يصلح


صراحة عجزت أني أرد عليه جلست اواسيه وأقول الله يوفقك ومن ها الكلام علشان أصرف نفسي من الموقف


بالنسبة لي الكتاب بين من عنوانه <<<<< مرجاع في الحق ولا مقدام في الباطل


ما راح اطول الموضوع .....ودنا نقرأ أرائكم في ذا الضعيف

.................................................. .................................مشكورين[/align]

[بالحارث العزيزة]

اقتباس :

بالعربي يا شباب الرجال توهق ناوين يمصون دمه

واضح مصوا دمه ودسمه والمفروض ماترك العنان لهم ........ الله يعينه.

اقتباس :

قال : اللي تبا زواجها في فندق اكيد الذهب ما يقل خمسين الف ذهب أو اكثر ؟؟؟

مشكور أخي الدكتور ياسر قصة مأساوية وفكاهيه في نفس الوقت

[سمو الاحساس]

أخــــــــــــــــــ ياسر جطلان ــــــــــــــــــــوي
الله يعطيك العافيه على هذا الطرح
في وجهة نظري هذه العائله ما عندهم سالفه لآن الرسول عليه الصلاة والسلام
قال زوجوهم وأعينهم والرجال عقله في راسه أبرك له يحاول يدور له على عائله
تبغى الستر مو عائله تبغى تمص دمه والبنات في هالزمان ما لين البيوت أحسن له يحكم عقله ويتوثل أبرك لوجه وعلى قولتك مرجاع في الحق ولا مقدام في الباطل
شكرا لك

[راعـــــي لـــــوّلـــــه]

[align=center]ههههههههههههههههههههههههه ههههاي

والله ياخي لو انها بتجيب عيال من ذهب

85 الف فندق = قيمه تكاليف زواجي ماتتعدا ها السعر مع الذهب
ههههههههههههههههههههههههه هاي
والله ياخي مساكين الشباب
البنات عنسوا والشباب يبون العرسه
لكن الله يعين

مشكور يا ولد العم على الموووضوع

وتقبل مروري[/align]

[الوعيلي خالد911]

AbersabeelN

يا حياك الله القصة صحيح مأساوية وكنت ناوي اعاونه بخمس وشكلها وانا اخوكم ألف >>>>>>>> عوينه ؟؟؟؟

هههههههههههههههههههه تقبل تحياتي ويعطيك العافية على المداخلة




قلب نجـــران


كلامك ذهب ويعكـس مستواك الراقي أشكرك على هذا الطرح ومثل ما ذكرت كلام المصطفى صلوات الله عليه وعلى أله وكذلك انه سئل عن خير النساء فقال ما قلت مؤنتها عند الزواج هذا شي
والشي الثاني الخطا يلحق الرجال ميه بالمية يسحب نفسه عاد اللبن في الشاة ؟؟


يعطيك الف عافية ........



المسمــــــــــــــار


ههههههه ردك هذا يبين معاناتك والله ولا الومك وأنا أخوك ....

أجل عيال من ذهب يالله مبرك مخيم في حوي محصم مسور بريحان بلا فنادق بلا هم


يعطيك العافية .....