|؛¤ّ,¸¸,ّ¤؛|مرثيه|؛¤ّ,¸¸,ّ¤؛|
[frame="7 80"]
مــرثـيـــه...
البارحة ليل العنا مامتسالي
وهموم قلبي كل ساعة تحداه
ماحد(ن) درى عن حالتي وش جالي
تخفى عن العالم ويدري بها الله
زهقان من دنيا ولاني بسالي
ماجاء من الدنيا على القلب عناه
دنيا تقلبنا على كل حالي
ماحد(ن) حصل منها على ماتمنااه
ماهمني من حادثات الليالي
إلا رفيق(ن) في قريب فقدناه
أبو حمد عندي عزيز(ن)وغالي
راحت به الدنيا ماعاد شفناه
ابكي على فقده ولا سج بالي
جاته وفاته مابعد قمت برضاه
طولت منقودي وهو ماطرالي
انه يجيه الموت من عقب ماألقاه
ياليت قلبه قبل موته صفالي
لاشك مايكتب على العبد يلقاه
غلطان من ينقد على صديق(ن) موالي
أحسن يسمح خاطره قبل فرقاه
الموت معاده لما جاء يمالي
مابين غمضة عين من جاه وداااه
كم واحد يمسي مريح(ن)وسالي
واصبح يشلونه لقبره دناياه
وان جيت تنشد عنه بين الرجالي
وتقول وين فلان قالوا قبرناه
من يامن الدنيا يذوق النكالي
مسكين من عاده غشيم(ن) بدنياه
يامرسلي بالخط روّح عجالي
تنصى به الوالد حمد لا بكيناه
سلّم عليه عداد مزن الخيالي
وعداد سيل السد إذا جاب مجراه
قله يخلي خاطره دوم سالي
والهم ماينفع مع الحزن والله
هذا مقدر من عزيز الجلالي
ماقدّره مفروض ياعم ترضاه
ياعم حنّا لك بداله عيالي
إن النجم بعده نجوم تتلاه
ياوالدي هاذي صروف الليالي
عزّاه من هاذي البهاذيل عزّاه
لو البكا ينفع بكيته لحالي
ولو ينفدا بالروح كنّا فدينااه
[/frame]
وسلامتكم
|
العرض المتطور
