قصيدة أخوي المرحوم زارني بالمنام وقال لي

[بلحارث االيمن]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ثلاث شهور يا (يحيى) ولا تسأل اخوك العود=عن اخباره عن علومه وش مسوي وسط قبره؟
ثلاث شهور يا (يحيى) وانا في حسبة المفقود=أعيش بعالمي الآخر وفي عيني مية عبره
لأني فاقد احبابي وجوالي على الموجود=وأستقبل رسايلهم ولو إنّي وسط حفره
أشوفك لا دخلت البيت تندب حظّك المقرود=لأنّك فاقدٍ راعيه لكن هذي القدره
واشوفك لا دخلت المجلس وشمّيت ريح العود=تشم الرّيحه اللي من ثلاث شهور بالغتره
تكلم قول ياخي قول مازال الامل معقود؟=على (محمد) على (فارس) على (بدر) وعلى فكره
لقيت انسان يسألني عن اخبارك يحبّك زود=يقول انه شقيق الروح قبل يموت من فتره
تراه بخير ويسلّم عليك وكنيته (مسعود)=يعزّك حيل ومحافظ على الخوّه على العشره
وانا لا جيتك معرّض أبد ما احمّلك منقود=فقدتك من ثلاث شهور قلت اروح لك واشره
واشوف شصار بغيابي بما ان العيال رقود=واوصّيك بسند ظهري (محمد) شد من أزره
وسلم لي على احبابي وقبل راس ابوي العود=وترى مهما ابن آدم عاش مصيره هذي الحفره[/poem]


[align=center]الشاعر يحيى بالحارث[/align]