ياشينها لابانت الكلمه بعكس الاتجاه
[frame="1 70"][frame="2 10"]ياشينها لابانت الكلمـه بعكـس الاتجـاه
من واحدا يرميك باللي مايصيب اعيارهـا
الصاحب اللي يختلف فجأه مايُدرا ويش جاه
لابد من يومـا تبيـن قصتـه واسرارهـا
الوقت مايرحم لمن حضه بمفعولـه هجـاه
واللي بليا ساس مبنيـه يطيـح اجدارهـا
الصدق عنوان الوفا من ضيّعه معدوم جـاه
جعل النذاله فوق صاحبها تـزر ازرارهـا
لاغاب نجمك يازحل ماهتم ليلك من دجـاه
تمسي وتصبح ونت في حفرتك ياحفارهـا
الفضل للرب الكريم اللي ماخيب من رجـاه
ماهـو لمخلوقـا ماقـدر للحـى مقدارهـا
من صاحب الهزلات ماله من عواقبها نجاه
لوقال ابطلع فوقها تبـرك عليـه بزارهـا
واكبرمصيبه لاخدعك النذل واضهرلك سجاه
في لحظة ٍ ماهو مفكـر لويطولـه عارهـا [/frame][/frame]
|
المواضيع المتشابهه
العرض الشجري