إخواني الأعزاء .... أداره و أعضاء ....سجل حضورك

[نجراني]

[align=center]إخواني الأعزاء .... أداره و أعضاء ....
هذي فكره حبيت اعرضها في منتدانا الحبيب , وهي عبارة عن كل واحد يكتب أصعب موقف ( مضحك ) مر في حياته , سواء حصل لك أو مع غيرك .... ودنا والله نفرفش مع بعض ونضحك ... الله يجمعنا على المحبة ....
بس على شرط انه يكون واقعي وبصدق حصل ( يعني لا يألف الواحد من الخيال ) يعني بدون صواريخ وأرانب .... وانتو صادقين إنشاء الله ... ولا مانع من التمليح ... بس لا يزود الملح ......
خلوني أبدا أنا أول
طبعا الموقف ما هوب لي , لواحد من الشباب ... والصراحة هو عضو معنا في المنتدى ( بدون ذكر أسامي ) ...
الرجال كان طالع لطلعة بر مع إخوانه ل ( النعيريه ) .. في العيد ( عيد الأضحى ) قبل سنتين تقريبا ... كانوا مستانسين جدا مع عوائلهم ..... بعد ما خيموا راحوا ثلاثة منهم يشترون بعض الأغراض وكان هو من ضمنهم ... كانت سيارتهم فيها ( حوض ) .. المهم أصر أبو الشباب إلا أن يركب في حوض السيارة ..... ركب الرجال وكان فرحان جدا ويطبل في الغماره ومزعجهم ويكرر عبارته اللي يقلد فيها الممثل اللمبي في احد افلامه اللي يقول فيها ( العيد فرحه ماء ماء ماء ) يعني خروف ..... وهكذا ... شوي اخيه السواق الظاهر انه لف بقوه أو كان فيه مطبه .. الرجال جنفر ( يعني طاح ) من على حوض السيارة ... إخوانه ما حسوا فيه ... اخيه يسال اللي جنبه غريبه وش ذا الهدوء وين فلان ؟؟؟؟ يوم طلوا ورى ما لقوا حد في الحوض ... المهم رجعوا لاخيهم يحاولون يقومونه ... قام وطل فيهم , وسألوه أنت بخير ؟ قال من انتو ؟!؟! قال اخيه (ابو فلان ) ما عرفهنتنا ؟ قال لا ؟ .. ودوه لأقرب مستشفى في النعيريه .. وجلس أكثر من ساعة وهو فاقد الذاكرة ... المهم رجعت الذاكرة .. وأول ما تذكر ( العيد فرحه ماء ماء ) .. شوي ملح
خلصت السالفة..............
الله يلعن ام سالفتي ( سماجه ) بس والله إنها صدق .. و إذا عنده الجراءة العضو يرد ....
آسف للاطاله .. اخيكم ابوزايد[/align]