ديوان الشاعر : نواف الدبل
[align=center]تحية الاسلام ( يام وهمدان )
[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سـلام الله عليكـم كلكـم تحيـة الاســلام=بـدار يحـس العانـي انـه ماهـو بعانـي
بعد ماخذت لي قسط من الراحه والاستجمـام=قريت الحمد والكرسي وقمت بثانـي اركانـي
وخليت ام عبـدالله اتطيـب غتـرة البسـام=تدعيلـي بـان الله يحلـل عقـدة لسـانـي
وجيت بكـل ماوتيـت مـن شعـرا والمـام=قصيدا لو نسيته يمكـن الجمهـور يقرانـي
وانا لو حطني المشرف عضو مع فرقة الاحلام=اقول الشعر واثق كل محـد جالـس اوزانـي
ماقول اني انامبدع الشعـر ومحطـم الارقـام=ومو اني اقولـه بينكـم ياحسبـة اخوانـي
وانا لو شافني بالصدفه المانـي بامرستـدام=عرف اني سعـودي وانـي مانيـب المانـي
وعرف دمي وعروقي وانتمائي وديني الاسلام=وعرف اني موالـي للقيـم مانيـب علمانـي
وعرف اني من الشرقيه ولي بيـت بالدمـام=ماباقي الا يطلـق ان ابـوي فـلان الفلانـي
وعرف اني احب اهل الجنوب واعشقك يايـام=واحس بقمة التشريف مع كل يامي وهمدانـي
اذا وصفتهم بالطيب قلت الطيب معنـى عـام=ابي شي يخص ومايعـم القاصـي والدانـي
ابي شـي لا منـي كتبتـه تحلـف الاقـلام=بانه من كتـب فـي مدحكـم شـي تعلانـي
مع ان ماصارلي في داركم جالس ثلاث ايـام=لاني احسب ان هـذا البلـد داري وعنوانـي [/poem]
ملعوبه
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اتذكـر النـار يـوم النـار مشبوبـه =واتذكر العائـق اللـي بينـك وبينـي
واتذكر العاذل اللي مصـخ اسلوبـه=ما يدري انك غديتـي منـي و فينـي
ايقنـت ان قسمـة الارزاق مكتوبـه=وشكرت رب على النيـات معطينـي
من كثر ما صرت ابوس ايدي مقلوبه=نسيت شكل الخطوط براحـة ايدينـي
ياذهول عقل يشـق الثـوب وجيوبـه =جيت بعيون المريب وقلـت اخذينـي
جيتك بقايا نفس و اطـراف مكبوبـه=وصرتي مغذي تغلغل فـي شراينـي
يا زينها لا جت الخطوات محسوبـه=ويازينك انتـي وانـا ويـاك يازينـي
بساطتك مثل خبـز البـر و الروبـه =وصعوبتـك تكمـن بانـك عرفتينـي
يا فرحة اللي بدا بالشـي يـا دوبـه =احس من لذتـك مـا عـاد يمدينـي
انتي اشاعـات جيـل كـان اكذوبـه =وانتي علامة سقوط الكون من عينـي
وانتي سبب قولتي و الله و الكوبـه=يوم الخلايـق بعـد شوفـك تلاقينـي
يا نقطة النون مرفوعـه و منصوبـه=حطي نقاطي على حروفي و حلينـي
جيت اعترف لك بانك صدق ملعوبه=ويكفينـي انـك تربيتـي على يدينـي[/poem]
روحي رياضيه ..
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تراقب.. ردة ..أفعال القهر في مدمعـي=يمكن تموت من القهر من قبل ما عينـي تهـل
مدام بالدنيـا رقـم ابسعـى لـه سعـي=لياقتـي عنـد النهايـه مثلهـا يـوم استهـل
يومك تظن ان التواضع داخل الملعب ..وعي=انته تشوف انه وعي , و انا اشوف انه جهـل
من قال لك روحي ريا ضيه , تجي تلعب معي =لا و الله الا عند رغباتي, تشـوف و تنذهـل
ما جيت اسوي لي دعايه, و اتداعى و ادعـي =قلت اتكلم لين يسمعني العجـل, علـى مهـل
قلت اتحلى بالمراجل, و المراجـل,,منبعـي =وما فيه شي اكبر من انك تكبر بعيـن الكهـل
يا ما كثير اشيا تزودني طمـع فـي مطمعـي =وانا و عثرات الليالـي. نعتبـر حسبـة أهـل
زاد الخطا منك و لا عـاده يسمـى مطبعـي =وان كانت الدنيا كذا ما هي على كيفي , فهل؟!
تتوقع اني منك و اشكالك بلاقي مصرعـي؟!=لا لا يا روح امك,,, ترا لا قفلت , ماني سهل [/poem]
123 ... انطلاق
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خلنـا نبـدا ثلاثـه اثنيـن واحـد انـطـلاق=تنطلق طلقه رصاص ويبتـدي مشهـد فضيـع
تبتدي رحلـه الـم او يبتـدي اعظـم سبـاق=شوف كيف اعظم سباق وكيف أهو ماهو سريع
لاكن اعظم شي جاب المركـز الاول معـاق=يكفي انـه دايـم الاول علـى بـال الجميـع
ادري ان الركض في بعض المواقف حيل شاق =لايهمك شيلهـا وتجـي مـع البـال الوسيـع
يا الاهي حمل ساقيـن ويشيلـه بـس سـاق=ولو يطيع الساق باقي الجسـم يمكـن مايطيـع
شينها لاصرت بيـن المـزري ومـالا يطـاق=واجتمع دم وعـرق ودمـوع وامـال وربيـع
اشهـد ان الدمـع ماهـو لا ريـاء ولا نفـاق=والله انـه مايديـره غيـر رجـال شجـيـع
ادري ان الفوز لو مابـه تعـب مالـه مـذاق=والتعب لـولا الصبـر ماتـم مـالا نستطيـع
بأذن رب المعجزات اللي على الافـاق فـاق=العزيز المستجيـب الـرازق الفـرد السميـع
اطلـب الله يالمعـاق ونطلـب الله للمـعـاق=واعرف انـك دايـم الاول ومنزالـك رفيـع[/poem]
القلوب الميتة
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صدق الحياة تعلم اللي مانفع فيه العلام =وحتى القلوب الميته تبكي بوسط الزعزعه
مني سلام من أول الدنيا الى آخرها سلام =اللي يبي درس ببلاش يثمن اللي يسمعه
النور خدعة فيزياء..واليوم كذبه الظلام =وما بقى من ظلم خلق الله ولا ضو شمعه
والضيق ضيق القبر..لا بالله بصدور الأنام =بالعكس يابعض القبور أنها لميتها سعه
والكسر هو كذبة رياضيات من بسط ومقام=والشاطر اللي يعرف ايش الحل..يرفع أصبعه!
نعم نعم لا فيه كسر ولا انكسار ولا انقسام =الانكسار الرجل لا جاه اتصال وروعه
وانا لو توافد علي العلم وازداد الكلام=أن كنت بكذب ثلاثه..ما بكذب أربعه
وإذا تذكرت ان دم المسلم على المسلم حرام =اكذب الأخبار لا جابوا طريقة مصرعه
وشلون مسلم تتجه حوله أصابع الاتهام=ضيع شبابه مثل ماضيع شباب اللي معه
استغفر الله كني أسمع صوته يرد السلام=مع ان قلبي حس بانه آخر وداع أودعه
ليت لي شوفه أخيره لو بعد شد الحزام =أقسم بربي لنزل بنفسي وأقوم اجمعه
وأجمع أشلائه وأحطه في وسط قلبي وأنام=وإذا كتبت آخر قصيده بزهمه واسمعه
وأقول يامحمد عسى اللي تسمعه مني تمام=اشتقت اسمع منك كلمه في قصيدي موجعه
من عادته يكون أول واحد بوسط الزحام =من عادته لا غاب جاب أعذار ماهي مقنعه
لكنه هالمره ياكبر أعذاره وياقل الملام =ياليت لي حيله وأبيع اعضاي واشري مسمعه
جعل بفمه شهادتين وجعلها مسك الختام =اللي تمر بقلبه وهي رايحه يم مسمعه[/poem]
عم من اعمامك
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ول... يا قلبي تروا وش بدا بك وش علامك=جيت كلك ما بقت فيك القصيرة والطويلة
لا تـفز اثـقـل تـغلا قول: عـز الله مـقـامك =بين انك ما تفز الا اذا جات الثقيـــــلة
لا تبين قدره انه صار عم من عمامك =وان ليلك صارت العيشة معه مرة ذليلة
القط انفاسك ولا تقرا على الدنيا سلامك =خوفتي من قول عذال الهوى: وا عزتي له
تذكر اول يوم كل صان قدرك واحترامك=لو بغيت تشبها بيدك تطــوح بالفتيـــــلة
يا خسارة عند ذيل القائمة صار انضمامك =و انت يا قلبي عزيز و ما تعودت الفشيـــلة
شفت كيف اليوم ما يقوى على الحلوه دوامك=كنت متأكد دوام الحال حاجه مستحيـــــلة
كيف من ضربه قضت امر انهزامي بانهزامك=بعد ما كنت انت غايه, صرت ياقلبي الوسيلة [/poem]
اللعب مع الكبار
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تدوش دماغك وتفكيرك حبيبي باعتذار =وشلون اصدق بك كلام اللي سعوا في نمتي
ناس تحسب النار دايم تشتعل من الشرار =اللي تخلي كل شي وتحتفي بمطمتي
ولنفترض انك علي اخطيت واللي صار صار =مذمتي لا جات منك ياحلو مذمتي
انت اليمين وماني مصدق معك حزب اليسار =سياستي انا وابن عمي على ابن عمتي
لا صارت اشواقك تجاهي لا يشغلها غبار=ومادام ماشفته بعيني ليه احط بذمتي
الصبر والحكمه سلاح بيد صناع القرار=اضبط امورك واعتبرها ضابطه من يمتي
مانيب قايل لك كلام الليل يمحوه النهار =باكر تعرف اني انا وياك بكون بقمتي
ياكبرك بعيني وانا احب اللعب مع الكبار =ومادمت بايعها معك يامين؟ يثني همتي
لاصار كل شي بحياتك غير (نواف) انتظار=الى هنا يابعد راسي وانتهت مهمتي
حبيت اذكر بمقامك ياحبيبي باختصار=عشان اريح بالك وعشان ابري ذمتي [/poem]
د.ب.ل 211
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا ويل من قام مـن نومـه ولا سمـا =لا مر من يمه اللي مـر مـن يمـي
اقرا عليها الفلق و اكمل جـزء عمـا =واذا ختمت القرايـه ارجـع اسمـي
اخيرا افلحت يـا حـظ مـا يتسمـى=باللثمه اللـي تنسينـي حليـب امـي
مـع ان مالله عطانـي حبهـا الجمـا=لا جات هذي المواقف قلت يا عمي
بس ذي لا هيب لا نوره , ولا شمـا =و لا هيب ديمه ولا تـالا ولا ممـي
فتنه على الارض تمشي جعلها الحمى=كنها تغـدا لحمـي و تحلـي بدمـي
هي كانـت مشككـه وتأكـدت لمـا =قزت اسم عيلتي بلوحات (بي امـي)
الموتر اللي اخبـره ذيـب لا حمـا =لكنـي احيـان مـا يمدينـي احمـي
اسرع و اغني لقد اسقيتنـي سمـا=و اتخيل انها تنـادي التفـت لمـي
واحسها تقول اعطيني بعـض ممـا =لديك ياكبر طموحاتي و يـا همـي
و اذا بغيـت اتكلـم عنـدهـا امــا =لسانـي, يـذوب ولا ينربـط فمـي[/poem]
صـاحبي
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صاحبي؟! ما يضحكك بالجرح غير اعذاره=و انت جرحك لا مموتنـي و لا محيينـي
و مـا يبكـي القبـر الا لامشـوا زواره =لا مسحت غبـار اخـر حفنـه بكفينـي
ودام ودك تدفـن اللـي بيننـا باسـراره =ادفنـه! ولا انـا كيـف ادفنـه بيديـنـي
يوم انا بانيه مـن ساسـه اليـن جـداره =وكـل ذرة ملـح فـي تركيبتـه تعنينـي
لك علي.. اشغل السـي ديـه بالسيـاره= وابكي ابكي لين اصب القلب من جفنينـي
و لك علي انسى علوم الوصل بالقطـاره=و لك علي اكسر خواطر كل ربعي فينـي
ولك علي اطر ذكر الخير فيـك طـراره =ولك علي ارضيك لو رضاك ما يرضيني
صاحبي؟! و اللي يحط الطعـم بالسنـاره =احسن انه لو يصرح فيـه عينـك عينـي
ماني مجاوب علـى نظراتـي المحتـاره =خلها و تضيع مـا بيـن المرايـه وبينـي
خلهـا تشغـل حلـوق العالـم الثرثـاره =ولا انا مـا هيـب تسمنـي و لا تغنينـي
رح فمان الله وجه ابيض و طيب بشـاره =لا تراعينـي بعينـك ليـن مـا تخفينـي
واعرف انك لو تلف الارض حاره.. حاره =وين ما تلقـى ملامـح طيـب بتلاقينـي
و اعرف انك لـو تضيـق بدنيـة دواره =ما تشـوف الا و يدينـك وسـط يدينـي[/poem]
ضيقه
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ضيقه تطاردني و انا ما بين اكيد ومحتمل =شين تحاوطني من الاربع جهات و لزني
الظاهر انه يحسب الواثق شديد و ما زمل =ما يذكر الصدمه و ذاك الموقف اللي هزني
وشفيه ينبش في جروحي.. جرح قلبي ما ندمل =كنه غدا ذا القلب مستمسك وهو يبتزني
ساعات افكر و احسب انه صدق عامل لي عمل =شين على دربه رغم كل الحلوف يدزني
اعرف كثيـــر امثال منها لاسرقت اسرق جمل =هذا الذي كل ما حديت اخطاي عنـه وزني
والله ما يقهرني الا قولته : مالك أمـــــــل =ما كنـه الا شي من جواي.. يستفز ني
الوضع ما يحتاج له تعليق و الناقص.. كمل =عزيز لكن في يديه يذلني.. و يعزني
ما باقي الا شي.. ويطيح الجمل.. بما حمل =قشـــــه تحت رحمة يديه اذا طراله كزني[/poem]
الاضاءه
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله اني يوم اسولف ما تعمدت الاساءه=بس واحد حدني منه البروده تشتكي
من غباءه ما يسوي شي يظهر به ذكاءه=هو ذكي لو ما حد شافه على انه ذكي
فاهم الموضوع لاكن تنقصه بعض الجراءه=ليت من علـمه يسكت علــمه بعض الحكي
انطوائي وسط عالم ما تقبـل انطوائه=مجتمعنا ما يحب اللي لوحده متـكي
لو تلومه الف مره ما يبيـن استياءه=ما تعود يشتكي لو كان وده يشتكي
الغريب انه لعب دور الطفوله و البراءه=اختطف قلبي ودب.. الاشتباك المعركي
غيــر ايامي اظاف لظلمتي بعد الاضاءه=امتلكني لو سلوكه ما يناسب مسلكي
لا بغيت امحيه من قلبي .. يعزز استواءه=والله انه فوق عرش القلب الابيض مرتكي
المصيبه انه بدنياي يفعل ما يشاءه=هو حبيبي لو أقول انساه خل عنك الحكي [/poem]
حق الناس للناس
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاجتمع بالبـال شعـر معـه فكـر نبيـه=قلت سلم لي على الليـل و اللـي يرقـده
اتأمـل بالزحـم هالوجيـه و هالوجيـه=كن بسماتـك تجـي وسطهـا مستقعـده
تنفض احساس الشعر بي .. عن بكرة ابيه =كنـك اتغششنـي اول وثانـي مـفـرده
من ضحايا حيرتك.. يوم لا, ويـوم أيـه =لا تعلقنـي بحبـل , وتـرجـع تعـقـده
مثل غالي بعض الاوقات مـاودك تجيـه =ومـا تحـس بقيمتـه غيـر لمـا تفقـده
تنثره من ويـن مـا شئـت ثـم تحتويـه=ثم تنثر كـل قطعـة تجـي علـى حـده
دام قلبـي ماخـذه ماخـذه.. قلـي ابيـه =خلنـي اعطيـك قلـب بحالـه جـيـده
كيف ارضى و اتسلل ورا قلبك و اجيـه=كيف اقنع بالتسلـل وهـو لـه مصيـده
لا تفاضلني بغيري و انـا مالـي شبيـه=خص لاجـات الموازيـن حيـل معقـده
لارتفع سعر الدراهم على حساب الجنيـه=حـظ قـوم يتعسـه عنـد قـوم يسعـده
ما يعاب اللي مسك شوكه و ياكل فيليـه =كيف ياكل فـي يمينـه .. وكـل ينقـده
يعرف اداب الأكـل ماكـل ممـا يليـه=قال حق الناس للناس , مـا طـول يـده
اتكلم مـن مـراره وحالـي لـك عليـه=شايف ان الغيـره احيـان نـار موقـده
لاطلبتك تلتفت, التفـت مـن غيـر ليـه=تفهم اللـي اقصـده و اللغـات موحـده
لا تشد الحبل بالحيل لـي حاجـات فيـه=جود انته من هنا , ومـن هنـاك اجـوده
الصدف ما تجمع الناس بالشانـزي لزيـه=والقلوب اتجمع الناس لـو هـي مبعـده [/poem]
براءة الإختراع
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اسكت دقيقة ثانيه لحظة سماع =هـذا حديـث النـاس يومـي اوصفـه
مثـل الفلـم لامـن تكلمـت استمـاع=قـوم املـك الخلـق بحـروف مرهفـه
للمـره الاولـى علـى العالـم يــذاع=حسنـك علـى هيئـة قصيـد وفلسفـة
وصفـت بـك مثنـى, ثلاثـة, وربـاع= واول صفة ....تغار مـن ثانـي صفـة
سويت مـن لا شـئ ,قـدر المستطـاع=رفعـت سعـرك فـوق سعرالتكلـفـة
صرت اختراع ولـي بـراءة الاختـراع =فرضـت للـي يـب يشوفـك تعـرفـة
معلـم ...يزورونـه هـواة الاطــلاع =حـتـى عـديـم الذائـقـه يستلطـفـه
كم اجتمـاع يصيـر لاجلـك واجتمـاع =وانــت بيـديـك تقـعـده وتوقـفـه
حطيت لك فـي داخـل القلـب انطبـاع =انــك اذا حبـيـت تـقـدر تخطـفـه
كـن بينـك وبينـه اخـوه بالـرضـاع =تقـرب لـه ويعرفـك عـز المعـرفـة
واليـوم جيـت وشكلهـا مـنـك وداع =جيـت لكـيـان اسـسـك, تستهـدفـه
مـع احترامـي للشجاعـه يـا شجـاع =كـنـت اتبـسـم والنهـايـه مؤسـفـه
لا تحسب الي ضيعـك بالحـب ضـاع =انتـه غلطـت وغلطـتـك ذي مكلـفـه
ترى الهجـوم افضـل وسيلـه للدفـاع=تعـرف هدوئـي , وانفعالـي تعـرفـه
انا نصبتـك مثـل مـا ينصـب شـراع =وانـا اردك عنـد ذيــك الارصـفـه[/poem]
امعصي
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اعرف ان العرق للعرق.. ماوالله يحن =في خفوقن قال للحدب.. قومي وارقصي
ماخذ الاشواق لعبه على اقصر لحن =عاصي كل البشر .. بس هو ما ينعصي
والله انك مخطي العد.. ياللي تمتحن =يوم تحصي في علاقات .. ما هي تنحصي
هو انا طبعي كذا كل يوم لي صحن =لعبة التغييـر هذه .. مثل تخصصـي
انت منهو تسأل لـمين اجي ولـمين احن =منهو اللي حط مثلك على مثلي.. وصي
يوم جيت و تفضح عيونك انك منشحن =تحسب ان قلبي حلالك .. وانا قلت......... امعصي
والله ان الراس به حب.. توه مانطحن =واعرف ان طبول نواف.... تقرع بالعصي [/poem]
طايح بكبدي
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ان رحت و لا جيت ما عاد انا ابغاك=يا سلعتن مامن وراها مكاسب
كم لي وانا اعطيك مافاد وياك=ما تدري ان الحب نسبه وتناسب
طايح بكبدي جعلني ماتحراك=واثبت لي انك بالحساب راسب
هذه حياتي معك دوم اتقفاك=لنك تحسب ان فيه خاسر و كاسب
الحب ما يبنى على ابراج و افلاك=واذا فحصته ما يخلف رواسب
والورد ماوالله تناسبه الاشواك=وشكلي على شكلك ابد.. ما يناسب
انته زعول وانطوائي وشكاك=ونا اذا عصبت ماعرف احاسب
اسمع كلام يوصلك ويتعداك=منت المناسب , بالمكان المناسب [/poem]
روما
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دبله.. و دبله.. تحسب ان الحـب تلبيـس الدبـل=شالفايـده ايـدي بـيـدك و قلوبـنـا متبـاعـده
شالفايده و انت الـذي يرجـي القبـول ومانقبـل=وانا الذي كنت احسبك ضمن الاسامـي الواعـده
كنت اذكرك لا قيل.. من ذاك الاسد.. هذا الشبل=كنت اتوسـم فيـك مجموعـة مواهـب صاعـده
كانـت بداياتـك جميلـه.. ممتعـه.. هـذاقبـل =و اليوم هاذيـك الامانـي .. محبطـه..متقاعـده
خطوتك صوبي يا ثقلها كن.. راقـي لـك جبـل =منت الحبيب اللي يجي الميعاد .. قبـل لاواعـده
علمتني ان الكذب مـا هـوب دوم اقصـر حبـل =و ان الجنون يقود قلب المهتـوي مـن ساعـده
و علمتك انه عند رومـا تنتهـي كـل السبـل =لن الحقيقه لو يطول الوقـت .. مـا هـي باعـده
يا للاسف اصبحت رجعي و العمـر فـي مقتبـل=يا للاسف صرت الشذوذ اللـي يصاحـب قاعـده
يا شيخ اذا ماندمك .. مـا نيـب.. نـواف الدبـل=قابلنـي ان رجعـت قلبـك .. سالـم..لقواعـده [/poem]
لوتفحط
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راكب الي لو تفحط ما تجيبه=ولو تجيبه لو تفحط ما تسوقه
ولو تسوقه مستحيل انك تعيبه=ولو تعيبه منته بكفو لذوقه
صحح السوق السعودي قبل جيبه=نص تجار البلد تبغى تسوقه
لو تبيع أسهمك في سابك وطيبه=ماتجيب الا النصيفه من حقوقه
عاينه في شارعي مدغم بو شيبه=وجا توالي الليل والنيه يبوقه
قلت يا مدغم بو شيبه وش تبي به=تبتلش في سرقته الايد السروقه
جمعوا كل المواتر في زريبه=وجاك يمشي كن مابه شي فوقه
لا اشتغل سلفه تقل يبكي حبيبه=بحة الجسمي وهو يشكي حروقه
لا مشى يهدى ولا تسمع نحيبه=كن ربي وقف النبض بخفوقه
ولا استوى في شارعه مثل الكتيبه=ليتك تشوفه وهو يطعن طروقه
ماتقول الا ان خاله من عتيبه=يا ثبيتي يا فبرقا يا بروقه
ماخذ لون السما منها غصيبه=ويوم حسه ما ركب زاده زروقه
زيته انظف من صفولا ومن حليبه=شي وارد لا عطش كنك تذوقه
كن ليته فيه شمسين لهيبه=مثل عرس وكل طوق يزف طوقه
ليته الواطي مثل نور بمغيبه=وليته العالي مثل نور بشروقه
ماخذن اسمي دبل كني قريبه=والله ان كن لي علاقه في عروقه
من نصيبي سعد من صار بنصيبه=سقت مجده من ترابه لا بروقه
كنت اغني كيف اسيبه كيف اسيبه=ويوم بعته صرت اغني وين شوقه
لو سمعت العلم يا مدغم بو شيبه=خلك بسوقك وهو خله بسوقه[/poem]
[YOUTUBE]hHP9jFXB6PI&feature=related[/YOUTUBE]
.[/align]
|
المواضيع المتشابهه
العرض العادي
