قصة ؟!

[~حدراّ~]

ذات يوم أتصلت علي صديقة عمري من نجرآن لتخبرني عن قرب موعد زفافها وان وجودي مطلب رئيسي ( بحكم صداقتنا وعهودنا )

طلبت وآلدي انه ينزلنا نجران في الصيفيه وبحكم ارتباطاته بالعمل رفض وحجز لي أنا واخوي الصغير ( في شهر شعبان المآضي )

حضرت الزوآج وأنتهى الحفل بخيرة وشره وجلست في بيت عمي أسبوع لحد ما أرجع للبيت بالشرقيه ....صرآحه كان اسبوع عذاب مع ان بيت عمي من ألطف الناس وأرقهم وأحنهم علي بداية من عمي وعمتي والبيت كامل

لكن كنت محتاجه أروح السوق أشتري لي أشياء وخصوصا من الاسواق الشعبيه وعمي مريض فطلبت عيال عمي يودوني

وصرآحه تفاجئت برفضهم بحجه انشغالهم مع أنهم عاطلين عن العمل أجل لو يشتغلون !!!! المهم كلمت أخواتهم ( بنات عمي ) فقالوا لي انهم مايطلعون للسوق الا في الأعياد والزواجات وبس واذا يبغون أي شيء ( أقصد البنات ) بس يسجلونه بورقه والعيال يروحون يجيبونه

المهم أنا ما اعجبني الوضع فطلبت منهم يعطوني رقم وكاله التكاسي عشان يوصلني فقالوا لي البنات أنتي تبغين تنذبحين حيه ؟؟

بعد ما كلمت الوالد وطلبته يكلم عمي عشان يكلم عياله يودوني

ودانا أصغر واحد فيهم ويشهد الله كأنه متفشل !! المهم قبل ماأركب معه بالسياره انا وأخواته حط لنا الشروط التالية

1 - ولا وحده تركب قدام ؟؟؟ << انا أعجبني هالشرط لأنه بيكون مثل السواق لنا

2 - ممنوع البرقع منعا باتا واللثمه في قائمة المحرمات والمخصر كذلك << طيب انا اللثمه ما احطها خير شر والمخصر ما احطه نهائيا بس البرقع او النقااااب ؟؟؟

3 - جوالاتنا على الصامت طول الطلعه في السوق ويفضل انه مانشيلها معنا ؟؟؟

4 - مايجوز ولا وحده تكلم البائع !!!

5 - اللي تبغى تشتري شيء تعطيه الفلوس وهو اللي يحاسب <<< طيب وش الفرق ؟؟؟؟ ( انا اعطيته ميه ريال بس حاسبت على نفسي بعدين لان مشترياتي كانت بمائتين وخمسطعشر ) <<< لو تشوفون كيف تجول وجهه الى الوان قزح

6 - التلفت داخل السياره لليمين واليسار ممنوع ؟؟


وكم شرط جالس يزعجنا فيها طول الرحله ولا احنا انبسطنا ولاشيء .. قلت له شغل المسجل نسمع شيء !! قال لي : هناك في الشرقيه مو هنا هههههههههههه



هدفي من طرح الموضوع

ليش كل هالتضييق والخنق يعني مافيه ثقه أو بس الواحد يستحي من انه يتسوق مع اخواته وبنات عمه وبعدين أبغى ارائكم في كل نقطه لو سمحتوا !


هل الغلط منه ولا مني ؟؟ وترا المشكله انه بزر وأصغر مني بسبع سنوات والله قهر

[سيف قطعان]

اختي فلع :-

اشكركي في مثل هذا الطرح و الذي ارجوا الاستفاده منه.

نحن هنا في نجران تختلف عاداتنا و تقاليدنا عنكم , فمثلا السواق : يوجد لديكم مكاتب للسواقين

و لكن هنا لا يوجد , و بالنسبة للاسواق بالعكس انا اسوق بأهلي كل راتب شهر

اوديهم واخليهم يأخذون راحتهم , ولكن بعض النساء لا يكتفون بمحل او محلين ؟؟

بينما نحن الرجال نكتفي بمحل واحد نأخذ منه ملابسنا الداخليه و الخارجيه .

وبعدين قصة المسجلات فنحن نتضايق للذين يشغلون مسجلاتهم بجانبنا فما

بالك نحن , لأن فيها وبدن زعل نقص!!


وهذه وجهة نظري لا غير

[~حدراّ~]

أول شي ليش نقلته من الحوار العام ترى موضوع للنقاش !!

يلا مو مشكله متعوده مايعجبكم يامشرفين الا تحذفون وتشوتون الا مواضيع فلوعه

اقتباس : المشاركة الأصلية كتبت بواسطة الغامض [ مشاهدة المشاركة ]

اختي فلع :- اشكركي في مثل هذا الطرح و الذي ارجوا الاستفاده منه. نحن هنا في نجران تختلف عاداتنا و تقاليدنا عنكم , فمثلا السواق : يوجد لديكم مكاتب للسواقين و لكن هنا لا يوجد , و بالنسبة للاسواق بالعكس انا اسوق بأهلي كل راتب شهر اوديهم واخليهم يأخذون راحتهم , ولكن بعض النساء لا يكتفون بمحل او محلين ؟؟ بينما نحن الرجال نكتفي بمحل واحد نأخذ منه ملابسنا الداخليه و الخارجيه . وبعدين قصة المسجلات فنحن نتضايق للذين يشغلون مسجلاتهم بجانبنا فما بالك نحن , لأن فيها وبدن زعل نقص!! وهذه وجهة نظري لا غير

الحين نناقش القضية

أولا شيء مافيه وجه مقارنه انك تقول بعض البنات مايكتفون بمحل او بمحلين !! يعني الشباب كل الل يشترونه ملابس داخليه لونها ابيض مو اي لون ثاني يعني بس همكم المقاس ورح تحصلونه وثوب ابيض وغتره حمرا ولا بيضا وعقال اسود

يعني الالوان معروفه بس المقاسات وبالتأكيد في كل محل رح تحصلون كل المقاسات متوفره

لكن بالنسبة لنا لما اجي اشتري لي بلوزه ولا بنطلون او فستان لازم اشوف وش الموضه واللون والمقاس والتناسق والماركات يعني فيه فرق فعشان كذا لازم اروح اكثر من محل

هذا مثال بس اوكيه

الشيء الثاني

انا لما قلت لولد عمي يشغل المسجل ؟ يعني يشغلها بصوت مو عالي ليش وشو شايفنا !! بس عشان افتك من داويته وأعتقد مو حرام لو سمعنا اغاني بالسياره @@!!!

الشيء الثالث

توني اكتشفت مافيه وكالات سواقين بنجران يوم رحت لهم

وترى كنت أتمنى منك نناقش القضية نقطه نقطه يمكن تقنعوني او انا اقنعكم <<< انا اللي بقنعكم

مشكور على الرد وتعال ابيك تكمل باقي النقاط لو سمحت


تسلم على المشاركه

[~حدراّ~]

ممكن تناقشوني

[قلب نجران]

يااختي الكريمة هنا عادات وتقاليد نتماشا معاها.... ومن المستحيل تغييرها في يوم وليل .... وأرضنا الطيبة اللي هي نجران الحبيبة كما تعرفين أنها منطقة قبليةولها عاداتها ولا يمكن التخلي عنها وأكثرنا كلنا يعرف الاخر.وعندما نذهب الى الشرقيه أو الرياض أو جده فكما تعرفين أن الناس هناك من كل جنس ولون ليس لهم تقاليد يمشون عليها.

تحياتي أرجو أن الفكرة قد وصلت