منتـــزة المنتـــــدى الغالي ...لا يفوتكم مضغوط ميرووو هههههه

[الوعيلي خالد911]

[align=center].
.
.
.
.

أرحبوا يالله حيهم في المنتزة الجديد فله شباب ووناسة ومجلس نلتقي فيه وخصوصا إن بعض الناس موجه للرياض مغصوب كأنه كبش العيد مربوط بسيم ملبن في الطيارة
هههههه

فكره الموضوع ما ادري كيف جات بس القصد منها مكان نلتقي فيه للسمرة والاربعة
وسعة الصدر وسوالف وقالك قالك ..

أصلا بمجرد إني افكر وش اكتب في المنتدى أعرف إني باقي عندكم في الديرة فديت ترابها وفكرة هذا الموضوع لكم كلكم نبي سعة الصدر الحقيقة وعلشان تذكروني خخخخخخ والله كأني رايح الحصينة ماهوب الرياض ذي القريب .



موقع المنتزه : وادي وسع صدرك .


يالله بسم الله وقفنا السيارات في المواقف ودخلنا مع الباب حق المنتزة ولقينا الفارس ( لبا والله عروق قلبه ) سكريتي ههههههههههه ومطقم ذيك البدلة ويقول ممنوع دخول من هو أقل من 18 سنة

الزبدة زلق الغامض والمسمار وجلسوا في السيارة يبكون وقال الغامض والله ما يحين الا رخمه وطمروا الشبك هو والمسمار وحانوا الرجاجيل وين حن جالسين في أي غرفة ؟؟؟

المنتزة مكونه من غرف واجده وبداية الموضوع راح نبدا من غرفة رقم واحد ويكون فيها سوالفها الخاصة وثم راح نبدأ للغرفة اللي بعدها وكذا حتى نشطب على المنتزة او يقوم واحد من الشباب ينثر الجمر بالغلط ويحرقها ونفتك ههههه



غرفة رقم واحد (1 )

.
.
.

دخلنا الغرفة ولعنا اللمبات وجلسنا فيها طبعا الفراش مرقع ومحرق بالجمر المكيف يطلع صوت والتلفزيون ما يفصل في حده والعيال كلهم بصوت واحد : يا صديـــــق اخلص علينا

دق جوالي وأشوف الا وهو الغامض يقول وين انتوا بصوت واطي من الذل قلت تعال في غرفة واحد ودخل هو والمسمار ونشوف الغامض يرعف مع انفه سلامات لا يكون عبجك السكرتي ..؟؟ قال : يخسي ما عاد الا هو طمرت الشبك ونشب الثوب فوق وطحت على انفي .هههه

قلنا تعالوا اقعدوا . المهم جاو الشباب واللي يربع واللي يسولف واللي على ام بس سي 2 واللي يكلم في زاوية قدله نص ساعة واللي يشيك قرية ترافيان شباب فاضي في برد ومركب الجمر في النص وحي ذا الشوف .


جاء براد الشاي الحين وقمنا نسولف كلنا ...


أول سالفة مني



وش الحال شباب يعيال جاني موقف مضحك وغريب في نفس الوقت وكانت هذي السالفة في حج 1428 هـ الله من علي بالحج مع الشايب ويوم العيد الساعة 8 في الحرم وفي عز الزحمة قالوا الربع يروح ياسر يدبر باص 15 راكب ويسير قبلنا وحن وراه وقلت أبشروا بعزكم واطلع مع حي غزة أدور وبعد الموت حصلت باص يودينا منى بألف ريال غصب واكلمهم وجاو المهم ركبوا كلهم وانا ركبت فوق السلة علشان البراد وفي نفس الوقت اتمدد حرام كأن رجلي الله يعزكم في ثم كلب يتعرشها من كثر ما مشينا
مشى الرجال وطبعا زحمة يعني يمكن ما تصل منى الا الساعة 11 او 12 قلت ياولد نومة وراحت علي نومة ولا شفت نفسي الا ذا العير الي خاطفني من فوق ويخبط بكبدي في الزفلت فوق كرتون برتقال معفن ويصيح ياعسكري حراميه سرقوني ..

وش العلم وأشوف الباص الا وما فيه واحد بس عرفت إني في كبري المعيصم المتجه الى منى وعرفت من السائق إنهم مستعجلين هلنا ونزلوا يمشون أسرع لهم وما حاسبوه ..؟؟؟؟؟


يالله عرفت ملخص الوضع .( هلي خلوني ويحسبون إن معي دراهم أحاسب الرجال ما دروا إنها خلصت وانا رحت فيها والجماعة راحوا بسرعة ولا امادني عليهم ) أصيح ياعرب يا خبره ولا فيه فايدة وأشوف الرجال مجودني ومركبني الباص غصبا رهينة وقال الشرطة يا حرامي

قلت الشرطة الشرطة وجوالي طافي من الشحن وقلت للرجال عطني جوالك اتصل عليهم عطاني جواله أدق عليهم الي مقفل واللي ناسيه واللي ما يرد .. جاء العسكري وجودني ولا معي اثبات ولا شي بس قلت فيه حل يرضي الجميع

قال العسكري وش هو ؟

قلت جوالي له هدية وكان الدمعة يعني يسام 300 ريال ومعي أربع مية وش رايك يسواقنا العزيز ؟


حشش وقال 3 ساعات أسوق بكم ثم تنصب علي انت حرامي حجك باطل وقام يتكلم علي المهم فصلت معي قلت سو اللي تبغا انا عرضت عليك عرض رهيب 700 ريال او تسجني وتبهذل وتبهذلنا معك قام يبرزبه العسكري والناس متجمعين علينا وهده وقلت حيا جاني العسكري يقول فك جوالك يالحبيب واقوم وأمسح الارقام وأفرمت الذاكرة وأسلمه الجوال والاربع ميه وتنازل والمشكلة السواق عير ودب ومن سمران جدة يعني ما يمديك عليه أستسلمت وسلمت الجوال والدراهم وأخلى سبيل المذكور والمصارية يصيحون فوق راسي معوض بخير ياعم الحاج ..قلت صه تعالوا معي نعبج أخوانا اربهم يفتحون ...


بعد ساعة وصلت مكانا في منى والوالد حصلته رقد ولا عنده فيني والشباب اللي معي في رواي وأصل عندهم وأضرب بالصايح عليهم وقالوا وين انت يالضايع ؟؟؟

ما حاكيتهم ورحت ورقدت يوم صلينا الفجر اعطيهم العلم كامل وقاموا يضحكون وقالوا حن عطيناك من العزبة ونحسب عاد معك شي قلت ما بقي الا أربع مية ؟؟

قاموا يقولون تصرفت اهم شي ما سلخ ظهرك وينكتون علي ويوم جاء الظهر وهنا ألف ريال محظره منهم تغارموا لي وقالوا عوضك في الجوال واطلع العزيزية وأرقع n70 مطور جديد من الحداد ويافرحتي تمنيت إني اركب باص يوميا هههههههه

هذا الموقف كان صعب وكانت الاخلاق زفت بس بعد الجوال وبعد ما مر الوقت حسيت فعلا إنه موقف مضحك وذكريات حلوة ... وسلامتكم



الحين أترك لكم المجال للسوالف في الغرفة وانا بأشرب فنجالي واتسوخ لكم .. الدعوة سوالف ومواقف لكم على اساس سعة صدر .. ودمتم سالمين [/size][/align][/align]

[سيف نجران]

[align=center]السلام عليكم ورحمة الله وبركاته
ههههههههههههههههههههههههه ه
ماشاء الله عليك يادكتور
ليتني معك في ذيك اللحظه ابغى اشوف ردت فعلك يوم المصاريه يقولون لك معوض بخير يا عمي الحاج

ـــــــــــــــــ
المهم لكم سالفه من سواليفي في الهاف مون

جا يوم من الايام في عيد الفطر ومسكت معى الشباب الا ونروح انتمشى
قلنا وين الوجهه قالون الهاف مون قلت توكلنا على الله

عزالله رحنا للهفاف مون ونسفط الموتر في المواقف وننزل انتمشى على البحر

ويمر ذاك المصري ولين معى حصان وناقه
المهم قالو الشباب نبغى نخيل
قلنا يالربع اتركونا من ذي الحمير << تكرمون
قالو والله مانعذر الا ونركب
قلنا عساكم على القوه
عزالله وقفو المصري سلام --عليك السلام
يامعلم نبغى نخيل قال 15ريال
عطى واحد من الشباب الفلوس
خيلو الشباب وخلصو
المهم ولين الشباب بعد ماخيلو عينهم فيني <عبدالله اركب <<لاحرام مركبه

يااا منا منا والله وضغطو علي الشباب وليني اجف واعرق
قلت ياولد توكل على الله خاربه خاربه
والله ونركب ذا القارشه <<< طبعاً ثوب العيد ولثمه
ويجيك واحد متملعن من الشباب وياخذ الحذي حقته (وانتو بالكرامه) ويخبط في ذا البلا
وهو ماصدق
جرى الحصان واجيك ساعتها انتعت ابغى حد يوقفه ولين العالم تضحك
اشد في الجام ولانفع وتجيك ذي الطيحه الي مانيتي ان عادني باحياء احاااااااااااه
واقوم انفض الثوب واشل الغتره والهاف مون مليان والشماته ياكثرهم

ولين والله معادني احتال اسير من الطيحه ومن الفشله

واروح لشباب ولين هم فلي قال جعلك فيه << ضحك

قلت ياولد ان خبطهنت فشينه وان تكلمهنت فمال للباقين دخل
اش القيله<<<< خذ السالفه بروح رياااضيه بس لاتنساها

ضحكت معى الشباب على الموقف بعدها قلت ياشباب ظهري ظارب علي خلونا نمشي
ركبت الموتر وركبو الشباب ولين الرجال الي خبط الحصان يعتذر ومن ذي السواليف
قلت ميده ما حصل شي يارجال والدعوه مزح وانا اخوك ولين كنها حااسته الحركه الي سواها


مشينا ونوقف عند محطه قريبه من الهاف مون
قلت ميد الرجال (الي مسوي معي الموقف ) انزل الله لايهينك جب لي مويه ولزقه ظهر
وجاك ابشر بعزك وما طلبهنت شي
__طبعاً تخيلو الموقف والشباب ساكتين مايبغون يضحكون ويتشمتون__
نزل الرجال للبقاله يوم دخل
فاقول للشباب ياشباب اسمعتو بالمثل الي يقول (جنت على نفسها براقش ) قالو الله

قلت توكلنا على الله وادق الموتر دي واحرك
فلينهم يصوحون_ ياولد الرجال في المحل ماحد بحوله قلت يحين في عمره
عزالله ونوجه صوبش يابقيق
وصلنا بقيق ونفرفر فيها وناخذ ما بيقارب ساعتين ولين ذا الرجال يدق
سلام
عليك السلام
وين انتو قلت في بقيق
قال تعالو لي عند الكبري حق مدخل بقيق حطني التكـس عنده
قلت خل الي جابك من الهاف مون يدخلك لبقيق <<طوط طوط

وناخذ عشر دقايق الا والرجال يدق
_ سلام
_ حن ذولا
_وش فيك شكلك زعلان
_لازعلان ولاشي وينك
_تعالي عند مطعم الارنب الجائع
_خير يالله جايك <<طوط طوط

ونروح للرجال ولينه ذيا محظر داخل المطعم وقده طالب
عزالله وجلسنا حديث وسالفه لين جا الطلب تعشينا وضحك وتعليق على الموقف يعني صفيت الخطر
خلصنا من العشاء قمنا نغسل ولين الشباب سرى على باب المطعم خااارجين
ويجيك العامل صديق وين حساب ولينهم كلهم هاذا في اعطي حساب ولين العامل يشبحلي
ولين والله ماني بداري كم في البوك
عزالله واطلعه واحصل ميتين وعطيه قيمت العشاء واخرج
اثر الرجال مرسل للعيال رسايل (اسيلكم بالله لحد يحاسب )


قلت ياولد دامه هو الي فتح باب المزحه بتل معه وخله يعيفها

ونروح فيها وربي طويله

هذي سالفتي

ولا منك يلي بعدي
ـــــــــــــــ[/align]

[الوعيلي خالد911]

[align=center]

وما زلنا في غرفة رقم واحد ( 1 )


ههههههههه نذر على كذا مقلبهنته ..؟؟؟ قلبتوها طاش خخخ

سيف قطعان يالله حيه ...

أهم شي دخلهنت مع الباب والا طمرت الشبك حالك حال الرجاجيل

بس عز الله إن سالفة الخيل أستوت في ظهرك وانا أخوك بس صدقت من ناحية حمير ما فيه حصان أو فرس تفتح النفس مع ذا الصعايدة عط 15 وأركب وبس


مداخلتك جميلية تسلم طال عمرك وانتظروني راجع لكم ... دمتم سالمين [/align]

[راكـــان ال زعرر]

ههههههههههههههههههههههه
ههههههههههههههههههههههه
لي رجعه موضوع رائع يادكتور ياسر

[الوعيلي خالد911]

[align=center]الفارس ...ههههههههههه يامرحبا بك شرفتنا أخيرا


ارجع بسرعة علينا المنتزة يقفل الساعة 2 هههههه


في انتظار سوالفك ؟[/align]

[راكـــان ال زعرر]

خلاص الساعه 2 قفل المنتزه ههههههههههههههههه

أعطيكم السالفه باكر

[AbersabeelN]

ههههههههههههههههههههههههه ههههههههههههههههههههههههه هههههه


يعطيكم العافيه على الدم الخفيف

[الوعيلي خالد911]

[align=center]حيا الله الزعيم في المنتزة

اقلط حياك تقهوى معنا وشرفنا بسوالفك
.
.
.
.
غرفة رقم 2

دخلنا الغرفة الساعة 9 يعني بدري شوي وكان زحمة وغصبا حصلنا ذا الغرفة كان اليوم مباراة مانشستر يونايتد مع ارسنال للدورة الانجليزي والدنيا خبصة >>


وكعادتنا نصيح بصوت واحد : يا صديــــــــــــــــــق



سمعتوا ياشباب باللي سمعته ؟

أي والله سمعنا صوت الانفجارات في الجبال مع الغداء اليوم وش رايك ؟

رأي بإن حدودنا راح تنظف والله يعزنا وينصرنا من عنده . وكلنا فدوة لوطنا .


عز الله ياشباب إنها فاصلة من الخطوط السعودية ما عمري قد قام لي حظ فيها أنا وياها مثل توم وجيري بس للأسف كل شي ضدي

رحلاتي تأخر والا تلتغى أو تروح علي أو يسحبون الانتظار . أو يضيعون شنطه أو أو أو ......الخ

مرة من المرات من الرياض الى نجران الساعة الثامنة ليلا رحلتنا وأجي تاكسي من الجامعة وكان أخر يوم في الدراسة وأحاسب التاكسي ب35 ريال بعد الموت المهم يا طوال العمار وصلت المطار وقصيت البوردينق ومبسوط مين قدي رايح لنجران .


قام صوت الميكروفون يدق ويقول الموظف : خلوها ولين الموظف يقول بتأخر رحلة نجران للصبح الساعة 7 الاخلاق زفت وفصلت معي .


ما دريت وش أسوي وخصوصا ان السكن قفل قلت البطحاء أرقد كنت نوم وأركب تاكسي بخمسين وأرجع وغرفة مخنزة بمية وأرقد فيها وأسرح المطار.

ركبنا الطيارة وجلست جنب شيبان ..؟

واسمع الشيبان يتحدثون بحديث جهرني ويقولون عز الله فندق المطار يهول ؟






واللي يقول بوفيه مفتوح عشا وفطور وأحلى دلع وأنا ما رحت معهم على حساب الخطوط ...مقرووود من جد

خسرت تقريبا 250 في تأخير الرحلة وليت غرفة زينه مكيفها خربان واهل نجران مطخطخة في فندق المطار نوم ونعمة وزيدان طيبة .

رفعت راية الاستسلام للخطوط وأعلنت قائلا :

كم أحبك أيتها الخطوط ..


.................................................. ..............لكم خالص التحية [/align]

[الغامض]

السلام عليكم

ماجورين والسلامه ويش الحال والاحوال

وانا راح اقول لكم السالفه وحن كنا في البر

المهم كنا متجمعين شباب ( الله يجمعنا في طاعته )

كنا يوم من الايام طالعين بشكه في البر وكان معنا مجموعه من شباب بالحارث
المهم اللي يقطع اللحم واللي يشب الجمر للشوي واللي يجهز الحطب ويحضر الشاهي والقهوة وربعن تعاونو ما انذلوا..
وجاء وقت الشوي وريحه الشوي يا رباه تفوح والشباب هناك اللي يشوي واللي يكلم بالجوال واللي يربع واللي جالس يسولف وانا كنت متمزهل بالمقلقل طبعن مقلقل راكان لا يعلى عليه والعيال يصايحون ( يا راكان سو لنا مقلقل ) ابشرو بعزكم اللي هو انا واقوم واقطع من اللحم شوي ويقوم واحد من الشباب يقطع البصل لاني اتنرفز اذا قطعت البصل ( اعصب بسرعه ) عععععع ونشغل الدافور ونحط التاوه وين انت يا المقلقل واقلب واقلب واروح اكلم دق جوالي ورحت هناك بعيد اكلم اخي الكبير عشان لا يقول انت طالع مع عرابجه ويش ذا الصياح ههههههههههههه
والا واحد من الشباب صب فنجان ملح حق قهوة على المقلقل وقام وحرك المقلقل وشوي وصلت عند التاوه واقول ميد العيال اين الملح ( يا والله المصيبه ) واصب اشوي ولا طعمته وانا دايم من عادتي ما اطعم الملح لاني في الحزر يا لطيف يا الدقه
واقول ميد العيال يالله سيرو الى المقلقل والله واجيك واحطه في الصحون واقدمه الى الشباب اما الشكل والله ايش اقول لك واما الطعم الله لا يوريكم

وبسم الله الا واحد من العيال يوم تغير وجه يا لطيف ويش السالفه الا والشباب يلعنو واللي قام هناك مدري ويش فيه لا وعادني من زين الوجه ادور للعصير واجي ولا احصل العيال على الصحون ويش السالفه الا وانصدم بواحد من العيال معصب ( هاك اكله ) واذوق من شوي الا والضغط عندي 7000 عز الله ان نص العلبه ملح في المقلقل واحلف للعيال ياعيال انا طلعمه اول مرة ويش فيكم

عز الله وقمت اوسوس من اللي سوى المقلب وافكر الا وذالصبي يضحك قلت معليه ونروح نركب دبابات وانا واحد من العيال وذا اللي سوى فيني المقلب وناخذ ودبابات باسم اللي سوى فيني المقلب ( معليه جيت والله جابك ) عز الله ونستاجر ساعه 100 ريال على الواحد طبعن هو اللي بتقرح في وجه ونروح وتمر ساعه وانا وخوي الثاني بعيد عن الموقع والرجال مرتبش ويدق على جوالي وانا ماني ارد والحساب في ضهر اللي استاجر وعز الله نفر ساعتيين والرجال يحوس ممسوك عند راعي الدبابات
ونرجع الا هو يلعن ويسب ولا خلا علينا شي وجاء وقت الحساب الرجال وهو يدفع 550 ريال على القيمه الاولى والله انه كلها علقم والفلوس مهيب له حقه ابوه والله النشبه وعز الله ضحكت عليه قدام العيال والعيال ما زد وقفوا من الضحك هههههههههه

واخيرا هو البادي صح ولا انا غلطان

هذا اللي حصل معي

تحياتي واشكر صاحب فكرة هالموضوع

راكان ال زعرر

[AbersabeelN]

تسلم ولا تندم يادكتور خيرك سابق الله لايهنيك