قصيده من قصائد الشاعر يحيى مليح في مهرجان صيف نجران 1430
العنوان
فدوتك في إكـس آر تويوتا وجمس العيسى ** يا مدهّلهم طريقٍ قبلك يخافونه
أتركم مع القصيدة
تحت رعاية سيدي صاحب السمو الملكي الامير / مشعل بن عبدالله بن عبدالعزيز أقيمت ثاني أمسيات صيف نجران 1430 وقد تشرفت بالشاعر يحيى مليح بالمشاركة فيها واليكم قصيدة الشاعر يحيى مليح بالحارث
متمنيا ان تنال القليل من رضاكم
موتري يارنج ياللي بالذهب يشرونـــــــه
يا هدية واحدٍ كل العرب يطرونــــــــــــــه
واحدٍ لا قال يحيى قلت: أرحب أرحـــــب
فدوتك يا سيدي يحيى ونن عيونــــــــــه
واحدٍ مشهور جدا إسمه وعنوانــــــــــــه
عند ناس لأظلمت دنياهم يعرفونـــــــــــه
موتري لاهنت عندي لازمٍ ماغيـــــــــــرك
يقضي اللازم فديتك والحجج مركونـــــــه
أتصل بي شيخ قومٍ مبطي من صوتـــــــه
أتصل بي قال شعرك العرب يبغونــــــــــه
سجل إسمي/سجل إسمي والله إني مبطي
أرقب الدعوة من الجمعية المصيونـــــــه
ياحمد نجران تاج ومفخره للشاعــــــــــر
وكل شاعر يفخر انهم فوقه يحطونـــــــه
ياحمد نجران درع ومحزمٍ لليامـــــــــــي
وبندق الهمداني اللي ربعه يعزّونـــــــــه
أتفقنا والوعد نجران ديرة ربعــــــــــــي
ربعي اللي بالرخا والشده يصونونــــــه
أتصلت بصاحبٍ لي بالخطوط موظـــــف
قال رحلات الجنوب مقفله مشحونـــــــه
موتري يـ الله مشينا لا عدمت بلوفــــــك
موترٍٍ مثلك خساره انهم يخبونـــــــــــــه
وجه الوجهه جنوب وغرب حاول تكـسـر
لين تاصل درةٍ بالمملكة مكنونـــــــــــــه
درةٍ فيها اللوح متوهّجه والفرحــــــــــــه
عارمه بقدوم ( مشعل ) العدا يفدونـــــه
نصني مبنى الامارة خاطري أسلــــــــــم
قبل اشوف امي وابي ودي أحب متونـه
ثم أعبر له عن احساسي بفكرة شاعـــرٍ
شاعرٍ في ذا المواقف أزهموا تلقونـــــه
بعدها باغيّر زيوتك واغسّل بديـــــــــــك
وأسفطك تحت سلمه بالشرفه المزيونـه
فدوتك فيكـسآر تويوتا وجمس العيســى
يا مدهّلهم طريقٍ قبلك يخافونــــــــــــــه
وفدوته من لا عطى يعطي عطيّه مثلــك
والله إن أبطي ولا ردّيت بعض ديونــــه
تحياتي لكم راكان ال زعرر
|
المواضيع المتشابهه
العرض العادي
