سجل حضورك ببيت شعر بقسم الشعر

[قلب نجران]

مكـتـوب علـى قلـبي أنـا @@ يمشي في وسط العاصفة


يـاليـتـه يــسمـعـنـي أنـا @@ وينـسـى مـعايـا الـعاطـفة

[صدى الأحزان]

أتذكركـ دايم ولا ...

{..أقوول ..}

إلا

يارب تسعد خافقه وين

ماكــــــــــان...

[قلب نجران]

يا هاجسي وش صار في حال دنياك
أصبحت وحدك بين شوق الأماني

حتى الخوي اللي تعده كيمناك
راح وتركك اليوم وحدك تعاني

راح الفرح والهم يا هاجسي جاك
وأنا الشقا بالحيل والله كساني

[نجراني]

كثرت هواجيسي هموم وتفاكير ** سبت وليفن طاح فيني غثا الناس

محتار في صده ولا نيب في خير ** اعض انا راحة يميني بالابهام

مقدرت افسر له شعوري بتفسير ** جسمي نحل والشيب عقبه كسا الراس

[صدى الأحزان]

ياعين كفي دمعتكـ هدت الحيــــل

........................ لاتذرفين الدمع للقلب جـــــــــــــــلاد

[ولد يام]

ياسعد والله يالولا الحيا واخشى المـلام = والقرابـه والحيـا والهـوى وجفونهـا
لاانهبه وانحاش واجلى جنوب ديار يـام = ما يردن لو وقف جيـش هتلـر دونهـا

[سكب]

ياقلب . لاصاّر . مابـٌـه احد يستحقكـْ،
ارفع (مقآإمك)وأترك الناس لــ الناس

[نجراني]

اقتباس : المشاركة الأصلية كتبت بواسطة صقر وايله [ مشاهدة المشاركة ]

ياسعد والله يالولا الحيا واخشى المـلام = والقرابـه والحيـا والهـوى وجفونهـا لاانهبه وانحاش واجلى جنوب ديار يـام = ما يردن لو وقف جيـش هتلـر دونهـا

ما يردن لو وقف جيـش هتلـر دونهـا ....

كفو .. قدها وقدود ...

[نجراني]

ماعاش مخلوقن يعرفك وينســـاك ** بس الزمن زادت علينا حمـــوله..
ياصاحبي جعل المخاليق تفـــداك ** يفداك كل الكون عرضه وطــوله..
اضرب بي الهامه وانا كف يمنــاك ** اطول منهو عجز غيري يطــــوله..

[صدى الأحزان]

لا تـحسـب إن النـور يـا زيــن مــنّـي

وجهي تـرى يعـكـس لك النـور مـنّــك