أهديها لقلوبكم وانصح بقراءتها في سكون الليل وبعيدا عن الضوضاء
مساء الورد
[poem= font="traditional arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مساء الورد يا نـور(ن) سطـع يالـول يـا ماسـه=مساء(ن) مـا أشوفـك فيـه ماهـو مـن مساءاتـي
مساء أجمل يصير أجمل مسا لاصـرت جلاّسـه=تسولـف لـي وتـرسـم فــي ظــلام اللـيـل بسمـاتـي
تـفـضّــل يــــا أمــــل عــمــري ويـاحـلـمـه وأنـفـاســه=تفضّل ما عزمـت الا انـت يـا أغلـى بشـر ياتـي
تعال بقرب محبوب(ن) كتب لك اروع احساسه=ويطـلـبـك الـعــذر لابــــه قــصــور(ن) بالكـتـابـاتـي
تـعـال اسـكـن ربـيـع القـلـب واستمـتـع بنسـنـاسـه=ربـيـع(ن) مــا تـربّــع فـيــه مـاهــو مـــن ربيـعـاتـي
عيوني بك تذوب ومنك وصارت حيـل حسّاسـه=ليـاجـاهـا الـخـطــاء مــنّــك تــهــل كـثـيــر عـبـراتــي
أحبّـك..لا تقـول اشكـثـر مــدري مـعـرف اقيـاسـه=أعــرف انّــك غـديـت اجـمـل مـلـذّه مـــن مـلـذّاتـي
أبي أحضنك في ليل(ن) غفى نجمه مـع ناسـه=ولابــــه غــيـــر انـــــا ويّـــــاك نـبــحــر بـالـمـسـرّاتـي
أصــب أشـواقـي بكـاسـك ومــرّه اقـلـب الـكـاسـه!!=أبــي اروي ظـمـاي الـلــي يـزيــد كـثـيـر غلـطـاتـي
هنـيّـا خـلـك بجنـبـي مـكــان(ن) مـــا احـــد داســـه=أبــــي تـبـقــى اثــاريّــك عــلامــه فــــي مـسـاحـاتـي
حبـيـبـي دامـــك بـفـكـري يـخــف كـثـيـر وسـواســه=والا مـنّــك رحـلــت اغـلــط واعـــوّد فـــي تفـاهـاتـي
نصيحـة لـي معـك محـبـوب خـلّـك عـالـق بـراسـه=ولا يـطــري لـــك تــهــدّه وتــغــرق فــــي مـتـاهـاتي[/poem]
[align=center]
اهداء متواضع الى سلطنة عمان الشقيقه قيادة وشعبا واشكرهم على الكرم وحفاوة الاستقبال في الامسية الاخيرة بمسقط واشكر من قدم لي الدعوة الاخ الشاعر / سالم السيفي وبقية الزملاء الشعراء وادارة المستشفى السلطاني ممثلة في مدير ادارة الخدمات العامه الاستاذ/ خليل الخروصي
ما يبي مليون (ياسر) أو ملاييـن ( الوليـد)[/align]
[poem= font="traditional arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كـان مـا فيـهـا كـلافـه يــا (محـمـد بــن مهـيـد)=أكّــد الحـجـز نتـخـاوى لــي مـطـار( السلطـنـه)
جاتـنـي دعــوة كريـمـة وانــت عـارفـنـي عـنـيـد=مـــا أحـــب الا مـخــاوى مـــن يـشــرّف مـعـدنـه
وانت ياخوي افتخر بك من قريب ومن بعيـد=خـوّتـك مـاهـي بـخـوّة يــوم أو شـهـر أو سـنـه
الأكـيـد ( الإيـربـاص) مسفّـطـه واخــذ الاكـيــد=شغّـلـوهـا واعـلـنـوا كـــلا(ن) حــزامــه يـحـضـنـه
واكتبـوا بالنـص فـي شاشاتـهـا (حـظـا سعـيـد)=لــلــي مـسـافــر ولــلـــي جـــــا يـــــزاور مـسـكـنــه
والـصّـراحـه يـــا مـحـمـد ان هـــذا الـيــوم عــيــد=يـــوم شـفــت السلـطـنـه دار الـقـبـب والمـئـذنـه
مـا أحـس انـي غـريـب ونــازل بمـنـزل جـديـد=أحسـب ان نفسـي مواطـن جـا يـزاور موطنـه
الـكــرم والـجــود والـخــوّه وتـرحـيـب(ن) شــديــد=أشـهـد انـكـم وافيـيـن الـسـاس ذربـيـن ألـسـنـه
حضرة/( السلطان قابوس المعظّم بن سعيد)=ويــــن دارك ســيــدي؟ يـافـخــر كــــل الأزمــنــه
ليتـنـي أحـظـى بـشـوفـك سـيــدي مـــره واعـيــد=شــوفــتـــك مــــــــره ومــــــــره والــــغــــلا أبــرهـــنـــه
إن كتبـت اجـزل قصيـدة فيـك قالـت مـا أريــد=عـــــدّل الـبــيــت الـفــلانــي والـفــلانــي أدفـــنـــه
خـايـفــه مــــا تـكـبــر بـعـيـنـك لأنـــــك لـلـقـصـيـد=مـنـبــع وانــــا ضـعــيّــف كــيـــف اقـــــدر أتـقــنــه
سـيــدي أرجــــوك تـقـبــل أغـنـيــة عبدالـمـجـيـد=والا اقــــول/ والله انــــك فــــوق كــــل الـدنــدنــه
سـيــدي أرجــــوك تـقـبــل دم يــجــري بـالـوريــد=دم شـاعـر مقـصـده مــن مدحـكـم صــح بـدنـه
ما يبي مليون (ياسر) أو ملاييـن ( الوليـد)=رافـع(ن) راسـه وشايـل فـوق متنـه (أ) كفـنـه
مـن سلايـل يـام أصلـه حـارثـي والــراس حـيـد=فالـمـلاقـى حـــب راســـه مـالـقـوا مـــن يـطـحـنـه
كـيـف لا دامــه سـعـودي نــار عــزّه مـــا تـبـيـد=دام( ابـو متـعـب) أخــو نــوره مليـكـه م**نــه
شاعر(ن) لا جا لزوم القاف (أ)لنظمه يجيد=ماهـو مـن اللـي يجـيـب المسـطـره ثــم يـوزنـه
وكــان مافـيـهـا كـلافــه( يامـحـمـد بـــن مـهـيـد)=وقّــف نصـفّـق انــا ويّـــاك لاهـــل (السلـطـنـه) [/poem]
[align=center]ملاحظة : أسم سيدي صاحب السمو الملكي الأمير / الوليد بن طلال ذكر بالقصيدة لارتباط اسم سموه الكريم بالملايين بين عامة الناس ( ألله يزيدة) ليس إلا[/align]
|
المواضيع المتشابهه
العرض العادي
