قصيدة / شفقة شجاع
[align=center]السلام عليكم ورحمة الله وبركاته
بعد غياب لا يبرره إلا تلك الضروف التي أجبرتني على أن لا أتواجد هنا حيث أحب ومع من أحب .. هنا عوده وعسى الله يجملنا معكم ... فعذراً على الغياب.[/align]
[glow=ffffff][align=right]مــدخ ـــل :[/align][/glow][poem=font="traditional arabic,6,black,bold,normal" bkcolor="transparent" bkimage="" border="none,4,gray" type=0 line=0 align=right use=ex num="0,black"]
مَالي عَلى حَظِّي (مَشَاريه) (وعْتَاب)=يا كُود أنا مِنِّه بَغيتْ التِفَاته
كَمْ لي بِبَابه انْتِظّرْ... وَاطرق الْبَاب= وهُو تَرَدَّى غَارقٍ في سُبَاته!
والْبَينْ... يَكْبُر بيني وبين الاحباب!= والعمر يمضي ينتظر بأُمْنِياته[/poem]
[glow=ffffff].
.
.[/glow]
[align=center][glow=ffffff]_ _ _ شفقة شجاع _ _ _[/glow][/align]
[poem=font="traditional arabic,7,black,normal,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
عَدَّيتْ فُـوق مشَمرَّخ الراس والكيف =بُن الهَرَار اللِّي حَمَسْه السنافي
و خَايَلّت مِن بَرق السَحاب المرَاهِيف=نُوضٍ يوَرِّدني عَلى حُوضْ قَـــافي
مِزنِه يِشُوق الْعَين لَو هِي مكَالِيف=ويَرْوِي بماه الجَـرّهِده والجفافي
ويروي ضُما روح ابتَلَتها الصُوادِيف=شوقٍ ولهفه والعزا بـ القوافي
ورُحْت آتمَثَّل بالمعاني تواليف= بـ أبيات شعر مطرزه بـ اختلافي
مرٍ على الشُوفَه ومرٍ على الطَّيف=من عُقبْ ما هي بالضماير خَوافي
أحيه مِنْ ولفٍ لِضى بالسَرَاجِيف=يا الله عسى لي من لِضَاه العَوَافي
أقْنِبْ قنيبَ الذِيـب بقَفْرا حَجَاريف=يَبْغَى عَشاه امْسَمَناتْ الهَـرافي
يِمْنا شِمال إمن الحَسا بالطُـوَارِيف=في مَرْتَعٍ حَدْر الحزوم النيافي
فيه المكَمَّل بالحَـلا والتواصيـف=غروٍ على سَلبْ العقول إحترافي
قِم الْرِبَاعْ ابْسِِنـِّه الْعَام بالصَيـف=عُودِه لِيَان و وجْـنِتينِه تِشَافي
حُبّه بمَكْنون الْحَشا ما به الزَّيـف=وما خالطه سود العلوم السفافي
أشّفَقْ عَلى هرجه و شُوفَتْه وآعِيـف=حِلْو الكَـرى يا مِسْبِلين اللّحافي
شَفْقَة شجاع لمسرجات المِزاغِيف=قُب المهار مثَورات السُوَافي
في حَزِّةٍ فِيها تسَّل المَراهِيف=مِنْ دُون سِتْر منومسات العَفَافي
مِنْ عُقْبْ ما صَاحَوا وِشَقّوا النِفَانِيف=ثُم عَفَّرَوا سُودْ الشعور الغّدافي
يوم اقْفَوا الغَازِين بأغلى المشَاعِيف=وسَنَّد وَراهُـم صَـاملٍ ما يِفَافي
ضيفٍ مَعَ هَلهُم شَرب رَشْفَة السَيف=مِنْ كَف نَشّمي بَالْمُـواجِيب وافي
فِنجاله الثالث بَعَدْ ما خَذْ الْكَيـف=في مَجلسٍ ما فيه مَنْ قِيـل هَافي
وعَوَّد ورَد الذُود وجَاتِك مَنَاكِيف=يسوقها سَوق السُفن للمَرافي
هَذاك واحد مِنْ ضَنا يام يا كيف!=ما يِرْتِكِي للحِمْل ويجِيك لافي
يام الحلام مزَبْنِين المواجِيف=و عَلَى هَلَ العِيلات سُم الزعافي
تاريخهم ما هـو حَكي بالسواليف=فِعْــلٍ إلى يوم الحَشر والزحافي
صالوا وجالوا مِتْعِبين المزاهيف=وفي كل وادي رَبَّعَوا والفيافي
من حد نجرانٍ إلى جَابِح السِيف=شَرْق وشِمَال وغرب عند الضفافي
فـ يالله يالِّلي في يديك التصاريف=يالِّلي لعبدك مِنْ بَـلا النار كافي
تَسْقِِي وطَنْـهُم بالمزُون المِقَانيف=حْقُوقْ وَسْمِي يُودِعْ العُشب ضَافي
وتَشْفِي شَغَفْ روحي بشُوف المواليف=ياللِّي مَا غيرِكْ للمَخَاليق شَافي[/poem]
[align=center]وسلامتكم ...
فارس بن عيبان[/align]
|
المواضيع المتشابهه
العرض العادي
