تمنيتك علي تقبل .. أشوفك مبتسم فرحان .. وأشوف اهلك يغنوا لك ولدروبي يزفونك
[align=center]تمنيتك علي تقبل .. أشوفك مبتسم فرحان
وأشوف اهلك يغنوا لك ولدروبي يزفونك
وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك
واملاك السما تحفك بنور الرازق المنان
عليك اسم الله يا لغالي.. وعمت عين لــ يحسدونك
تسابق لجلي خطواتك تجيني محترق لهفان
وأحط يدي على قلبي واقله جاك مفتونك
وتفتح طرحتي بيدك وأتوه بسحرك الفتان
يعمري والله خجلانة وميته بنظرة عيونك
يريحني كلامك لي يمحلا ليلة العرسان
وتعاهدني بتوفي لي وأعاهدك أني ما أخونك
مضى عمري وأنا احلم واظم طيوفه بالأحضان
واسأل ليلى يا ليلى شسويتي بمجنونك
خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك
فضحني صوت شهقاتي ورجيت الواحد الديان
يخليها ويقدرني أضمّد جرحي من دونك
غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك
وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك
يقولون ادفني ذكره يقولون انسي اللي خان
قسم بالله ما بنساك ولو هالكون ينسونك
تروف بحالتي ريما وتحلف والله هو خسران
يواسوني رفيقاتي يقولن كلنا عونك
كبيرة بعين كل ربعي أموت وعزي ماينهان
كذا تخليني أصغرهم وما ارضى يسبونك
أنا مابي مهر منك ولا شبكة ولا فستان
طموحي احتضن حزنك وازين بالهنا كونك
وش اللي مو حلو فيني كسرت بخاطري يفلان
خبر بعدك قضى فيني هلكت قليبي بطعونك
(مزن )ضميتها وبليت شعرها بمدمعي الهتان
يعمري خلو الخالة وعساهم ما يخلونك
يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك
يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك
أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك
بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني
زماني مارحم ضعفي هزم حسي وتحداني
(((عهد))) في قبري ما بنساك تعال وزورني عاني
بحس إنك علي ولهان ، وبفرح وســـــــــــــــــــــــ ـــــط تربـاني[/align]
|
العرض العادي
