قصيده لشاعر الرائع علي بن حمري
[align=center]بسم الله الرحمن الرحيم
علي بن حمري
[align=center]غني عن التعريف لان المعروف لايعرف اترككم مع القصيده وارجوا التقيم من 10 [/align]
[poem=font="traditional arabic,6,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا ربي تسهل الامر وتزين الاحوال=ترانا بلا رحمتك هلكا ومتهاوين
ولا عندنا غيرك ليا صك جالٍ جال=ضعوف الاوادم يا قوي فيك متقوين
ابي رحمتك حي وفي القبر والاهوال=نهار الحساب مشيب الرضع الولدين
لنا حقوق وعلينا حقوق وما حط يشال=زمان يخلي ضاحكينه من الباكين
ما ينزل به الراحل ويرحل به النزال=ومواعيدنا واجالنا كل شي بحين
فياحظ من طابت فعايله والاعمال=ويا شين حظ اللي لا وحده ولا ثنتين
هبوب الزمان وكنته والبراد اشكال=تقلب به الدنيا واهلها على الجنبين
ولا اقسى على الصاحيين من كثرة الجهال=ولا اشد على الجهال من سطوة الصاحيين
عسى الله يصيب مدور الشر بالسلال=وعسانا لا ظلام ولا حن بمظلومين
ولا نطرد المقفي ولا نكره الاقبال=ولا نخطي اليا صار ما نقبل المخطين
لو انهم تناسوا فعلنا مانقص مثقال=من اللي تناسوا جعلهم دايمٍ ناسيين
ولا تذكرونا غير في حزة الانكال=ليا اشتدت الازمة وخالط صفا الماء طين
نطب الخطر والخوف والموت طب هبال=تقول اننا بمقابل الموت مسترين
بنفنى وتفنى عيالنا بس لا نزال=عزاز النفوس اللي على حقنا عيين
على الراس طاقية ومن فوقها دسمال=ومن فوق دسمالي عقالٍ يميل يمين
ولو ما تحوش ايماننا مال مانهتال=لو الوقت عاري وجه عشناه مستورين
ابو خمسة لاقل من قيمة ابو ريال=فبو نصف يقدر يقتل احلام ابو قرشين
ما يوجعك يالسائل سوا جفوة السؤال=ليا صرت تقضي دين ظهرك بمثله دين
ولا فيه بيتٍ سالمٍ من بعض الاشكال=وهدامته قله وبنايته كثرين
لنا ماضي وحاظر ما نبكي على الاطلال=مايبكي على الاطلال ياكود محرومين
لهم ماضيٍ حلوى لكن حاظرٍ بطال=وذولا عرب موتى ولو عادهم حيين
تقل العوايد يوم تتعاقب الاجيال=وسلوم الرجال الاوله تتعب التاليين
ولو نذكر اللي راح يا ويل حال وال=بعد روحوا شيباننا الزحل الوافيين
موصيننا بالصدق في القول والافعال=وفي جمعة تهتاب من قوها الطامعين
غدينا شتات وحن عيالٍ على رجال=رخصنا والاجناب اصبحوا عندنا غاليين
نحب الجمل والحمل ونعذرب الجمال=وهو اللي يقود الزمل من وين اليا لين
من اول يوم القل والمال ما ينطال=قبل شركة الكهرب تنور بيوت الطين
يوم ان الرفيق اغلى من الروح والمنزال=ويوم ان الرفيق ان غاب نفقده فقدٍ شين
وذلحين الاخ يقاطع اخوه حيل وحال=ولا حسته الايام ولا غراب البين
اخوي ابن عمي ان كان ما يردع العيال=اليا عال فيني رحت به في ( سند الاثنين )
ابيعه كذا واشرب ورى بيعته فنجال=وانا دون عمري قبل يولد الى ذلحين
جروح العرب تبرى وجرح الاخو قتال=وجرح العرب واحد وجرح الاخو جرحين
ولو يبتلى والله ما آخليه لين يهال=علي القبر ولا انتصر له من الغاويين
يقولون جيبك اكبر اخوانك العقال=وانا اقول وقفة الاخ تسوى كنـوز الصين
عطاني الزمن كل شي الا مره واطفال=عسى الله يكمل زينتي في الحياة امين
لا تحزن ولا تزعل تماسك وهد البال=ترى العاقل اللي يحسب حساب وقته زين
ورفيقك تحمل له ثلاث لاشك ثقال=لكن رابعته افطن لها واخذ حق ودين
والاولاد وهبه لا عمامٍ ولا بخوال=عسى الله يصلح ما عطانا من الجنسين
ياكم بنت خامل جا ولدها بطل الابطال=وكم بنت شيخٍ جا ولدها قصير ايدين
زكاة العوال معاكستها زكاة المال=لا طاب لك واحد فادفن عوالك الباقيين[/poem]
"وسلامتكم"
تحياتي
ابـــــــــــــــــــــــ ـــن مـــــــــــــفـــــــهــ ــد[/align]
|
العرض العادي
